Texts
Select a text:
Bibliography
Bibliography
Select a chapter:
(no revisions)
Show parallels Show headlines
Use dependency labeler
(no revisions)
Associated topic(s): brahman priest, paridhi enclosings
Show parallels Show headlines
Use dependency labeler
Chapter id: 13494
- Click on a sentence to show its analysis
- Keep the mouse pointer over a lemma to show its meanings.
atha yad brahmasadanāt tṛṇaṃ nirasyati śodhayaty evainaṃ tat // (1) Par.?
athopaviśatīdam aham arvāgvasoḥ sadane sīdāmīti // (2) Par.?
arvāgvasur ha vai devānāṃ brahmā parāgvasur asurāṇām // (3) Par.?
tamevaitat pūrvaṃ sādayati // (4) Par.?
ariṣṭaṃ yajñaṃ tanutād iti // (5) Par.?
athopaviśya japati bṛhaspatir brahmeti // (6) Par.?
bṛhaspatir vā āṅgiraso devānāṃ brahmā // (7) Par.?
tasminn evaitad anujñām icchati praṇītāsu praṇīyamānāsu vācaṃ yacchaty ā haviṣkṛta udvādanāt // (8) Par.?
etad vai yajñasya dvāram // (9) Par.?
tad etad aśūnyaṃ karoti // (10) Par.?
iṣṭe ca sviṣṭakṛty ānuyājānāṃ prasavād iti // (11) Par.?
etad vai yajñasya dvitīyaṃ dvāram // (12) Par.?
tad evaitad aśūnyaṃ karoti // (13) Par.?
yat paridhayaḥ paridhīyante yajñasya gopīthāya // (14) Par.?
paridhīn paridhatte yajñasya sātmatvāya // (15) Par.?
paridhīnt saṃmārṣṭi // (16) Par.?
punāty evainān // (17) Par.?
trir madhyamam // (18) Par.?
traya ime prāṇāḥ // (19) Par.?
prāṇān evābhijayati // (20) Par.?
trir dakṣiṇārdhyam // (21) Par.?
trayo vai lokāḥ // (22) Par.?
lokān evābhijayati // (23) Par.?
trir uttarārdhyaṃ // (24) Par.?
trayo vai devalokāḥ // (25) Par.?
devalokān evābhijayati // (26) Par.?
trir upavājayati // (27) Par.?
trayo vai devayānāḥ panthānaḥ // (28) Par.?
tān evābhijayati // (29) Par.?
te vai dvādaśa bhavanti // (30) Par.?
dvādaśa ha vai māsāḥ saṃvatsaraḥ // (31) Par.?
saṃvatsaram eva tena prīṇāti // (32) Par.?
atho saṃvatsaram evāsmā upadadhāti svargasya lokasya samaṣṭyai // (33) Par.?
Duration=0.086560010910034 secs.