Texts

Help

Select a text:
Bibliography
Select a chapter:
 (no revisions)
Show parallels  Show headlines
Use dependency labeler
Chapter id: 13583
  • Click on a sentence to show its analysis
  • Keep the mouse pointer over a lemma to show its meanings.
pañcakṛtvo 'vadyati // (1) Par.?
pāṅkto yajñaḥ // (2) Par.?
pañcadhā hi te tāḥ samavādyanta // (3) Par.?
āpataye tvā gṛhṇāmīty āha // (4) Par.?
prāṇo vā āpatiḥ // (5) Par.?
prāṇam eva tena prīṇāti // (6) Par.?
paripataye tvety āha // (7) Par.?
mano vai paripatiḥ // (8) Par.?
mana eva tena prīṇāti // (9) Par.?
tanūnaptra ity āha // (10) Par.?
tanvo hi te tāḥ samavādyanta // (11) Par.?
śākvarāyety āha // (12) Par.?
śaktyai hi te tāḥ samavādyanta // (13) Par.?
śakmana ojiṣṭhāyety āha // (14) Par.?
ojiṣṭhaṃ hi te tad ātmanaḥ samavādyanta // (15) Par.?
anādhṛṣṭam ity āha // (16) Par.?
anādhṛṣṭaṃ hy etat // (17) Par.?
anādhṛṣyam ity āha // (18) Par.?
anādhṛṣyaṃ hy etat // (19) Par.?
devānām oja ity āha // (20) Par.?
devānāṃ hy etad ojaḥ // (21) Par.?
abhiśastipā ity āha // (22) Par.?
abhiśastipā hy etat // (23) Par.?
anabhiśastenyam ity āha // (24) Par.?
anabhiśastenyaṃ hy etat // (25) Par.?
anu me dīkṣāṃ dīkṣāpatir manyatām anu tapas tapaspatir añjasā satyam upa geṣaṃ svite mā dhā ity āha yathāyajur evaitat // (26) Par.?
Duration=0.065529108047485 secs.