Texts

Help

Select a text:
Bibliography
Select a chapter:
 (no revisions)
Associated topic(s): ahīna

Show parallels  Show headlines
Use dependency labeler
Chapter id: 16099
  • Click on a sentence to show its analysis
  • Keep the mouse pointer over a lemma to show its meanings.
ubhayyo hotrakāṇāṃ paridhānīyā bhavanty ahīnaparidhānīyāś caikāhinasya // (1) Par.?
tata aikāhikībhir eva maitrāvaruṇaḥ paridadhāti // (2) Par.?
tenāsmāllokān na pracyavate // (3) Par.?
āhinīkībhir acchāvākaḥ // (4) Par.?
svargasya lokasyāptyai // (5) Par.?
ubhayībhir brāhmaṇācchaṃsī // (6) Par.?
evam asāv ubhau vyanvārabhamāṇa etīmaṃ ca lokam amuṃ ca // (7) Par.?
atho 'hīnaṃ caikāhaṃ cātho saṃvatsaraṃ cāgniṣṭomaṃ cātho maitrāvaruṇaṃ cācchāvākaṃ ca // (8) Par.?
evam asāv ubhau vyanvārabhamāṇa eti // (9) Par.?
atha tata aikāhikībhir eva tṛtīyasavane hotrakāḥ paridadhati // (10) Par.?
tenāsmāllokān na pracyavate // (11) Par.?
āhinīkībhir acchāvākaḥ // (12) Par.?
svargasya lokasya samaṣṭyai // (13) Par.?
kāmaṃ taddhotā śaṃsed yaddhotrakāḥ pūrvedyuḥ śaṃseyuḥ // (14) Par.?
yad vai hotā taddhotrakāḥ // (15) Par.?
prāṇo vai hotāṅgāni hotrakāḥ // (16) Par.?
samāno vā ayaṃ prāṇo 'ṅgāny anusaṃcarati // (17) Par.?
tasmāt tat kāmaṃ hotā śaṃsed yaddhotrakāḥ pūrvedyuḥ śaṃseyuḥ // (18) Par.?
yad vai hotā taddhotrakāḥ // (19) Par.?
ātmā vai hotāṅgāni hotrakāḥ // (20) Par.?
samānā vā ime 'ṅgānām antāḥ // (21) Par.?
tasmāt tat kāmaṃ hotā śaṃsed yaddhotrakāḥ pūrvedyuḥ śaṃseyuḥ // (22) Par.?
yad vai hotā taddhotrakāḥ // (23) Par.?
sūktāntair hotā paridadhāti // (24) Par.?
atha samānya eva hotrakāṇāṃ paridhānīyā bhavanti // (25) Par.?
Duration=0.039185047149658 secs.