Texts

yo vai śraddhām anārabhya yajñena yajate nāsyeṣṭāya śraddadhate // (1) Par.?

apaḥ praṇayati // (2) Par.?

śraddhā vā āpaḥ // (3) Par.?

śraddhām evārabhya yajñena yajate // (4) Par.?

ubhaye 'sya devamanuṣyā iṣṭāya śraddadhate // (5) Par.?

tad āhur ati vā etā vartraṃ nedanty ati vācaṃ mano vāvaitā nātinedantīti // (6) Par.?

manasā praṇayati // (7) Par.?

iyaṃ vai manaḥ // (8) Par.?

anayaivaināḥ praṇayati // (9) Par.?

askannahavir bhavati ya evaṃ veda // (10) Par.?

yajñāyudhāni saṃbharati // (11) Par.?

yajño vai yajñāyudhāni // (12) Par.?

yajñam eva tat saṃbharati // (13) Par.?

yad ekamekaṃ saṃbharet pitṛdevatyāni syur yat saha sarvāṇi mānuṣāṇi // (14) Par.?

dve dve saṃbharati // (15) Par.?

yājyānuvākyayor eva rūpaṃ karoty atho mithunam eva // (16) Par.?

yo vai daśa yajñāyudhāni veda mukhato 'sya yajñaḥ kalpate // (17) Par.?

sphyaḥ ca kapālāni cāgnihotrahavaṇī śūrpaṃ ca kṛṣṇājinaṃ ca śamyā colūkhalaṃ ca musalaṃ ca dṛṣac copalā ca // (18) Par.?

etāni vai daśa yajñāyudhāni // (19) Par.?

ya evaṃ veda mukhato 'sya yajñaḥ kalpate // (20) Par.?

yo vai devebhyaḥ pratiprocya yajñena yajate juṣante 'sya devā havyam // (21) Par.?

havir nirupyamāṇam abhimantrayeta // (22) Par.?

agniṃ hotāram iha taṃ huva iti devebhya eva pratiprocya yajñena yajate // (23) Par.?

juṣante 'sya devā havyam // (24) Par.?

eṣa vai yajñasya grahaḥ // (25) Par.?

gṛhītvaiva yajñena yajate // (26) Par.?

tad uditvā vācaṃ yacchati yajñasya dhṛtyai // (27) Par.?

atho manasā vai prajāpatir yajñam atanuta // (28) Par.?

manasaiva tad yajñaṃ tanute rakṣasām ananvavacārāya // (29) Par.?

yo vai yajñaṃ yoga āgate yunakti yuṅkte yuñjāneṣu // (30) Par.?

kas tvā yunakti sa tvā yunaktv ity āha // (31) Par.?

prajāpatir vai kaḥ // (32) Par.?

prajāpatinaivainaṃ yunakti yuṅkte yuñjāneṣu // (33) Par.?