Texts

Help

Select a text:
Bibliography
Select a chapter:
 (no revisions)
Associated topic(s): agniṣṭoma

Show parallels  Show headlines
Use dependency labeler
Chapter id: 15020
  • Click on a sentence to show its analysis
  • Keep the mouse pointer over a lemma to show its meanings.
daśasūnnayati // (1) Par.?
mādhyandinasya savanasya niṣkevalyasya bhāgasya śukravato madhuścuta indrāya somān prasthitān preṣyeti // (2) Par.?
manthīvata iti vā madhuścuta sthāne // (3) Par.?
iḍāṃ bhakṣayitvā śālādvārye dākṣiṇahomaḥ // (4) Par.?
vāsaḥprabaddhaṃ hiraṇyaṃ havanyām avadhāya caturgṛhītam ud u tyam iti // (5) Par.?
citraṃ devānām iti dvitīyām // (6) Par.?
āgnīdhrīye 'gne nayeti // (7) Par.?
ayaṃ na ity aparām aśvaṃ ced yuktaṃ dadyād ayuktaṃ vā // (8) Par.?
vāsohiraṇye dadāti // (9) Par.?
sahiraṇyo yajamānaḥ śālāṃ pūrveṇa tiṣṭhann abhimantrayate dakṣiṇā bahirvedi tiṣṭhatīr dakṣiṇato rūpeṇa va iti // (10) Par.?
gavāṃ śataṃ dvādaśaṃ vātikrāmati // (11) Par.?
manthaudanatilamāṣāś ca // (12) Par.?
antarā śālāsadasī dakṣiṇenāgnīdhraṃ tīrthena // (13) Par.?
subrahmaṇyāṃ ca preṣyati vā // (14) Par.?
āgnīdhrād anugacchati sunvan // (15) Par.?
prāganuvācanāc ca // (16) Par.?
sado gacchati vi svar iti // (17) Par.?
prekṣate yatasva sadasyair iti sadasyān // (18) Par.?
brāhmaṇam adyety āgnīdhragamanam // (19) Par.?
upaviśya hiraṇyam asmai dadāty asmadrātā iti // (20) Par.?
ātreyāya cāgnīdhravat sadasaḥ purastād upaviṣṭāya ka ātreyaṃ ka ātreyam iti trir uktvā sakṛccheṣam ahāleyam avāleyam akaudreyam aśaubhreyam avāmarathyam agaupavanam iti // (21) Par.?
ṛtvigbhyo dakṣiṇā dadāti // (22) Par.?
pṛthak śatāni puruṣabhedāt // (23) Par.?
prativibhāgo vā karmaprādhānyāt // (24) Par.?
yathārambhaṃ dvādaśa dvādaśādyebhyaḥ ṣaṭ ṣaḍ dvitīyebhyaś catasraścatasras tṛtīyebhyas tisras tisra itarebhyaḥ // (25) Par.?
brahmodgātṛhotṛbhyaḥ // (26) Par.?
adhvaryubhyāṃ ca havirdhāna upaviṣṭābhyām // (27) Par.?
agnaye tveti hiraṇyaṃ pratigṛhṇītaḥ // (28) Par.?
rudrāya tveti gām // (29) Par.?
bṛhaspataye tveti vāsaḥ // (30) Par.?
yamāya tvety aśvam // (31) Par.?
ko 'dād ity anyat // (32) Par.?
icchato mantravacanam // (33) Par.?
pratyetya prastotṛpraśāstṛbrāhmaṇācchaṃsipotṛneṣṭrachāvākonnetṛgrāvastutsubrahmaṇyebhyaḥ // (34) Par.?
prasṛptebhyaś cānyat kaṇvakaśyapayācamānavarjam // (35) Par.?
jñātaye cāśrotriyāya // (36) Par.?
na rajataṃ dadyād barhiṣi purāsya saṃvatsarād gṛhe rudantīti śruteḥ // (37) Par.?
patnī ca dadāti // (38) Par.?
sarvebhyaḥ dattvā pratihartre paścāt // (39) Par.?
Duration=0.082971096038818 secs.