Texts

prānyāni pātrāṇi yujyante nānyāni // (1) Par.?

yāni parācīnāni prayujyante 'mum eva tair lokam abhijayati // (2) Par.?

parāṅ iva hy asau lokaḥ // (3) Par.?

yāni punaḥ prayujyanta imam eva tair lokam abhijayati // (4) Par.?

punaḥpunar iva hy ayaṃ lokaḥ // (5) Par.?

prānyāni pātrāṇi yujyante nānyāni // (6) Par.?

yāni parācīnāni prayujyante tāny anv oṣadhayaḥ parābhavanti // (7) Par.?

yāni punaḥ prayujyante tāny anv oṣadhayaḥ punar ābhavanti // (8) Par.?

prānyāni pātrāṇi yujyante nānyāni // (9) Par.?

yāni parācīnāni prayujyante tāny anv āraṇyāḥ paśavo 'raṇyam apayanti // (10) Par.?

yāni punaḥ prayujyante tāny anv grāmyāḥ paśavo grāmam upāvayanti // (11) Par.?

yo vai grahāṇāṃ nidānaṃ veda nidānavān bhavati // (12) Par.?

ājyam iti uktham // (13) Par.?

tad vai grahāṇāṃ nidānam // (14) Par.?

yad upāṃśu śaṃsati tad upāṃśvantaryāmayoḥ // (15) Par.?

yad uccais tad itareṣāṃ grahāṇām // (16) Par.?

etad vai grahāṇāṃ nidānam // (17) Par.?

ya evaṃ veda nidānavān bhavati // (18) Par.?

yo vai grahāṇām mithunaṃ veda pra prajayā paśubhir mithunair jāyate // (19) Par.?

sthālībhir anye grahā gṛhyante vāyavyair anye // (20) Par.?

etad vai grahāṇām mithunam // (21) Par.?

ya evaṃ veda pra prajayā paśubhir mithunair jāyate // (22) Par.?

indras tvaṣṭuḥ somam abhīṣahāpibat // (23) Par.?

sa viṣvaṅ vyārcchat // (24) Par.?

sa ātmann āramaṇaṃ nāvindat // (25) Par.?

sa etān anusavanam puroḍāśān apaśyat // (26) Par.?

tān niravapat // (27) Par.?

tair vai sa ātmann āramaṇam akuruta // (28) Par.?

tasmād anusavanam puroḍāśā nirupyante // (29) Par.?

tasmād anusavanam puroḍāśānām prāśnīyāt // (30) Par.?

ātmann evāramaṇaṃ kurute // (31) Par.?

nainaṃ somo 'tipavate // (32) Par.?

brahmavādino vadanti // (33) Par.?

narcā na yajuṣā paṅktir āpyate // (34) Par.?

atha kiṃ yajñasya pāṅktatvam iti // (35) Par.?

dhānāḥ karambhaḥ parivāpaḥ puroḍāśaḥ payasyā tena paṅktir āpyate // (36) Par.?

tad yajñasya pāṅktatvam // (37) Par.?