Texts

athādhyātmam / (1.1) Par.?

idam eva cakṣus trivṛc catuṣpāc chuklaṃ kṛṣṇam puruṣaḥ / (1.2) Par.?

śuklam eva hiṅkāraḥ kṛṣṇam prastāvaḥ puruṣa udgītho yā imā āpo 'ntas sa eva caturthaḥ pādaḥ // (1.3) Par.?

idam ādityasyāyanam idaṃ candramasaḥ / (2.1) Par.?

catvārīmāni catvārīmāni / (2.2) Par.?

tāny aṣṭau / (2.3) Par.?

aṣṭākṣarā gāyatrī / (2.4) Par.?

gāyatraṃ sāma brahma u gāyatrī / (2.5) Par.?

tad u brahmābhisaṃpadyate / (2.6) Par.?

aṣṭāśaphāḥ paśavas teno paśavyam // (2.7) Par.?

sa yo 'yam pavate sa eṣa eva prajāpatiḥ / (3.1) Par.?

tad v eva sāma / (3.2) Par.?

tasyāyaṃ devo yo 'yaṃ cakṣuṣi puruṣaḥ / (3.3) Par.?

sa eṣa āhutim atimatyotkrāntaḥ // (3.4) Par.?

atha yāv etau candramāś cādityaś ca yāv etāv apsu dṛśyete etāv etayor devau // (4.1) Par.?

yaddha vā idam āhur devānāṃ devā ity ete ha te / (5.1) Par.?

ta eta āhutim atimatyotkrāntāḥ // (5.2) Par.?

taddha pṛthur vainyo divyān vrātyān papraccha yebhir vāta iṣitaḥ pravāti ye dadante pañca diśaḥ samīcīḥ / (6.1) Par.?

ya āhutīr atyamanyanta devā apāṃ netāraḥ katame ta āsann iti // (6.2) Par.?

te ha pratyūcur imām eṣām pṛthivīṃ vasta eko 'ntarikṣam pary eko babhūva / (7.1) Par.?

divam eko dadate yo vidhartā viśvā āśāḥ pratirakṣanty anya iti // (7.2) Par.?

imām eṣām pṛthivīṃ vasta eka ity agnir ha saḥ // (8.1) Par.?

antarikṣam pary eko babhūveti vāyur ha saḥ // (9.1) Par.?

divam eko dadate yo vidhartety ādityo ha saḥ // (10.1) Par.?

viśvā āśāḥ pratirakṣanty anya iti / (11.1) Par.?

etā ha vai devatā viśvā āśāḥ pratirakṣanti candramā nakṣatrāṇīti / (11.2) Par.?

tā etāḥ sāmaiva satyo vyūḍho annādyāya // (11.3) Par.?