Texts

Help

Select a text:
Bibliography
Select a chapter:
 (no revisions)
Show parallels  Show headlines
Use dependency labeler
Chapter id: 13903
  • Click on a sentence to show its analysis
  • Keep the mouse pointer over a lemma to show its meanings.
devīr āpo agreguvaḥ premaṃ yajñaṃ nayata / (1.1) Par.?
pra yajñapatiṃ tirata / (1.2) Par.?
yuṣmān indro 'vṛṇīta vṛtratūrye / (1.3) Par.?
yūyam indram avṛṇīdhvaṃ vṛtratūrye / (1.4) Par.?
prokṣitās stha / (1.5) Par.?
kṛṣṇo 'sy ākhareṣṭhāḥ / (1.6) Par.?
agnaye tvā juṣṭaṃ prokṣāmi / (1.7) Par.?
vedir asi / (1.8) Par.?
barhiṣe tvā juṣṭaṃ prokṣāmi / (1.9) Par.?
barhir asi / (1.10) Par.?
srugbhyas tvā juṣṭaṃ prokṣāmi / (1.11) Par.?
pitṝṇāṃ bhāgadheyīs stha / (1.12) Par.?
ūrjā pṛthivīṃ gacchata / (1.13) Par.?
viṣṇos stupo 'si / (1.14) Par.?
ūrṇamradaḥ prathasva svāsasthaṃ devebhyaḥ / (1.15) Par.?
gandharvo 'si viśvāvasuḥ / (1.16) Par.?
viśvasmād īṣataḥ / (1.17) Par.?
yajamānasya paridhir iḍa īḍitaḥ / (1.18) Par.?
indrasya bāhur asi dakṣiṇaḥ / (1.19) Par.?
yajamānasya paridhir iḍa īḍitaḥ / (1.20) Par.?
mitrāvaruṇau tvā paridhattāṃ dhruveṇa dharmaṇeḍa īḍitam // (1.21) Par.?
vītihotraṃ tvā kave dyumantas samidhīmahi / (2.1) Par.?
agne bṛhantam adhvare // (2.2) Par.?
sūryas tvā purastāt pātu kasyāś cid abhiśastyāḥ / (3.1) Par.?
varṣiṣṭhe 'dhi nāke // (3.2) Par.?
savitur bāhū stho devajanānāṃ vidharaṇiḥ / (4.1) Par.?
vasūnāṃ rudrāṇām ādityānāṃ sadanam asi / (4.2) Par.?
juhv ehi ghṛtācī dyaur janmanā / (4.3) Par.?
aditir acchinnapatrā priyā devānāṃ priyeṇa dhāmnā priye sadasi sīda / (4.4) Par.?
upabhṛd ehi ghṛtācy antarikṣaṃ janmanā / (4.5) Par.?
aditir acchinnapatrā priyā devānāṃ priyeṇa dhāmnā priye sadasi sīda / (4.6) Par.?
dhruva ehi ghṛtācī pṛthivī janmanā / (4.7) Par.?
aditir acchinnapatrā priyā devānāṃ priyeṇa dhāmnā priye sadasi sīda / (4.8) Par.?
ṛṣabho 'si śākvaro vāyur janmanā / (4.9) Par.?
aditir acchinnapatraḥ priyo devānāṃ priyeṇa dhāmnā priye sadasi sīda / (4.10) Par.?
dhruvā asadann ṛtasya yonau sukṛtasya loke / (4.11) Par.?
tā viṣṇo pāhi / (4.12) Par.?
pāhi yajñam / (4.13) Par.?
pāhi yajñapatim / (4.14) Par.?
pāhi māṃ yajñanyam // (4.15) Par.?
Duration=0.15921401977539 secs.