Texts

Help

Select a text:
Bibliography
Select a chapter:
 (no revisions)
Associated topic(s): agnyādhāna, agnyādheya

Show parallels  Show headlines
Use dependency labeler
Chapter id: 14612
  • Click on a sentence to show its analysis
  • Keep the mouse pointer over a lemma to show its meanings.
ajo deyaḥ // (1) Par.?
sayonitvāya // (2) Par.?
vāso deyam // (3) Par.?
sarvadevatyaṃ vāsaḥ // (4) Par.?
devatānām abhīṣṭyai // (5) Par.?
vardhamānā dakṣiṇā deyā // (6) Par.?
dakṣiṇāyā vai vṛddhiṃ yajamāno 'nuvardhate // (7) Par.?
upāharantī dakṣiṇā deyā // (8) Par.?
dhenur vā upāharantī // (9) Par.?
upa hy eṣā paya āharati // (10) Par.?
nāsyāgnim ādadhānasya kanīyo bhavati // (11) Par.?
dhenur hotre deyā // (12) Par.?
āśiṣām avaruddhyai // (13) Par.?
anaḍvān adhvaryave // (14) Par.?
vahny eva yajñasyāvarunddhe // (15) Par.?
ratho deyaḥ // (16) Par.?
devaratho vā eṣa prayujyate yad yajñaḥ // (17) Par.?
manuṣyarathenaiva devaratham abhyātiṣṭhati // (18) Par.?
mithunau gāvau deyau // (19) Par.?
mithunasyāvaruddhyai // (20) Par.?
ṣaḍ deyāḥ // (21) Par.?
ṣaḍ vā ṛtavaḥ // (22) Par.?
ṛtuṣv eva pratitiṣṭhati // (23) Par.?
dvādaśa deyāḥ // (24) Par.?
dvādaśa māsās saṃvatsaraḥ // (25) Par.?
saṃvatsarasyāptyai // (26) Par.?
yadi dvādaśātipracyaveta caturviṃśatiṃ dadyāt // (27) Par.?
caturviṃśatyakṣarā gāyatrī // (28) Par.?
gāyatrī yajñamukham // (29) Par.?
gāyatrīm eva yajñamukhaṃ nātikrāmati // (30) Par.?
trīṇi havīṃṣi bhavanti // (31) Par.?
traya ime lokāḥ // (32) Par.?
imān eva lokān āpnoti // (33) Par.?
trir virāḍ vyakramata // (34) Par.?
virāja evainaṃ vikrāntam anu vikramayati // (35) Par.?
yat pavamānam // (36) Par.?
punāty evainaṃ tena // (37) Par.?
yat pāvakam // (38) Par.?
annaṃ vai pāvakam // (39) Par.?
annam evāsmai tena prayacchati // (40) Par.?
yac chucaye // (41) Par.?
śucim evainaṃ medhyaṃ yajñiyaṃ tena karoti // (42) Par.?
paśumān asāni // (43) Par.?
prajāvān asāni // (44) Par.?
tejasvy asānīti // (45) Par.?
vā agnim ādhatte // (46) Par.?
prāṇo vai pavamānaḥ // (47) Par.?
prāṇād adhi paśavaḥ prajāyante // (48) Par.?
yad agnaye pavamānāya // (49) Par.?
paśūn evāsmai tena prajanayati // (50) Par.?
āpo vai pāvakāḥ // (51) Par.?
adbhyaḥ prajāḥ prajāyante // (52) Par.?
yad agnaye pāvakāya // (53) Par.?
prajām evāsmai tena prajanayati // (54) Par.?
asau vā ādityaś śuciḥ // (55) Par.?
eṣa tejasaḥ pradātā // (56) Par.?
yad agnaye śucaye // (57) Par.?
asā evāsmā ādityas tejaḥ prayacchati // (58) Par.?
devāś ca vā asurāś ca saṃyattā āsan // (59) Par.?
so 'gnir vijayam upayatsu tredhā tanvo vinyadhatta paśuṣu tṛtīyam apsu tṛtīyam amuṣminn āditye tṛtīyam // (60) Par.?
yad etāni havīṃṣi nirupyante // (61) Par.?
tā evāsyaitat tanvas saṃbharati // (62) Par.?
satanūr evaitat satejā ādhīyate // (63) Par.?
ime vai lokā etāni havīṃṣi // (64) Par.?
nānābarhīṃṣi bhavanti // (65) Par.?
imān eva lokān āpṛṇāti // (66) Par.?
yan nānābarhīṃṣi syuḥ // (67) Par.?
lokaṃ prajananāya // (68) Par.?
nocchiṃṣet // (69) Par.?
ūnaṃ vai prajā upaprajāyante // (70) Par.?
samānabarhiṣī uttare kārye // (71) Par.?
lokam eva prajananāyākaḥ // (72) Par.?
tam upaprajāyate // (73) Par.?
vidma vā imaṃ lokaṃ vidmemaṃ nāmuṃ paśyāmo vā tu na vā // (74) Par.?
tasmāt samānabarhiṣī uttare kārye // (75) Par.?
paśavo vā etāni havīṃṣi // (76) Par.?
ghṛtaṃ puroḍāśāḥ // (77) Par.?
rudro 'gniḥ // (78) Par.?
yad amno 'nunirvaped rudrāya paśūn apidadhyād apaśus syāt // (79) Par.?
saṃvatsare 'nunirupyam // (80) Par.?
saṃvatsareṇaivainaṃ śamayati // (81) Par.?
śithilaṃ vā etad yajñasya kriyate 'sayoni yat saṃvatsare 'nunirvapati // (82) Par.?
amna evānunirupyam // (83) Par.?
aśithilatvāya sayonitvāya // (84) Par.?
Duration=0.26142907142639 secs.