Texts

Help

Select a text:
Bibliography
Select a chapter:
 (no revisions)
Associated topic(s): agnyādhāna, agnyādheya

Show parallels  Show headlines
Use dependency labeler
Chapter id: 14613
  • Click on a sentence to show its analysis
  • Keep the mouse pointer over a lemma to show its meanings.
agnir vā imaṃ lokaṃ nopākāmayata // (1) Par.?
yad asminn āmaṃ māṃsaṃ pacanti yat puruṣaṃ dahanti yat steyaṃ pacanti tad abhīmaṃ lokaṃ nopākāmayata // (2) Par.?
sa yad imaṃ lokam upāvartata yā asya yajñiyās tanva āsaṃs tābhir udakrāmat // (3) Par.?
tā etāḥ pavamānā pāvakā śuciḥ // (4) Par.?
tasya yā pavamānā tanūr āsīt paśūṃs tayā prāviśat // (5) Par.?
yā pāvakāpas tayā // (6) Par.?
yā śucir amum ādityaṃ tayā // (7) Par.?
prāṇo vai pavamānaḥ // (8) Par.?
prāṇena paśavo yatāḥ // (9) Par.?
yad agnaye pavamānāya // (10) Par.?
paśūn evāsmai tena yacchati // (11) Par.?
eṣā vā asya sā tanūr yayā paśūn prāviśad yad idaṃ ghṛte hute pratīvārcir ujjvalati // (12) Par.?
eṣā vā asya sā tanūr yayāpaḥ prāviśad yad idam apsu parīva dadṛśe // (13) Par.?
yaddhastā avanijya snātvā śrad iva dhatte // (14) Par.?
ya evāpsv agnis sa evainaṃ tat pāvayati sa svadayati // (15) Par.?
yad agnaye pāvakāya // (16) Par.?
sapaśum evainaṃ pāvayati // (17) Par.?
eṣā vā asya sā tanūr yayāpaḥ prāviśad yad idaṃ ghṛte hute śoṇam ivārcir ujjvalati // (18) Par.?
eṣā vā asya sā tanūr yayāmum ādityaṃ prāviśad yad idam upariṣṭād vīva bhāti yaj jyotir iva // (19) Par.?
yad agnaye śucaye // (20) Par.?
āvirbhūtyā eva // (21) Par.?
ghoṣāyaiva // (22) Par.?
ślokāyaiva // (23) Par.?
ruca eva // (24) Par.?
eṣā vā asya sā tanūr yayāmum ādityaṃ prāviśad yad idaṃ ghṛte hute suvarṇam ivārcir ujjvalati // (25) Par.?
yad etāni havīṃṣi nirupyante // (26) Par.?
tā evāsyaitat tanvas saṃbharati // (27) Par.?
satanūr evaitat satejā ādhīyate // (28) Par.?
ime vai lokā etāni havīṃṣi // (29) Par.?
nānābarhīṃṣi bhavanti // (30) Par.?
nānā hīme lokāḥ pratiṣṭhitāḥ // (31) Par.?
Duration=0.10074591636658 secs.