Texts
Select a text:
Bibliography
Bibliography
Select a chapter:
(no revisions)
Show parallels Show headlines
Use dependency labeler
(no revisions)
Associated topic(s): agnyādhāna, agnyādheya
Show parallels Show headlines
Use dependency labeler
Chapter id: 12335
- Click on a sentence to show its analysis
- Keep the mouse pointer over a lemma to show its meanings.
Lindner 1.2
devāsurā vā eṣu lokeṣu saṃyattā āsuḥ // (1) Par.?
tebhyo 'gnir apākrāmat // (2) Par.?
sa ṛtūn prāviśat // (3) Par.?
te devā hatvā asurān vijityāgnim anvaicchan // (4) Par.?
taṃ yamaśca varuṇaścānvapaśyatām // (5) Par.?
tam upāmantrayanta // (6) Par.?
tam ajñapayan // (7) Par.?
tasmai varam adaduḥ // (8) Par.?
sa haitaṃ varaṃ vavre // (9) Par.?
prayājān me anuyājāṃśca kevalān ghṛtaṃ cāpāṃ puruṣaṃ cauṣadhīnām iti // (10) Par.?
tasmād āhur āgneyāḥ prayājānuyājā āgneyam ājyam iti // (11) Par.?
tato vai devā abhavan // (12) Par.?
parāsurāḥ // (13) Par.?
bhavaty ātmanā // (14) Par.?
parāsya dveṣyo ya evaṃ veda // (15) Par.?
Lindner 1.3
tad āhuḥ kasminn ṛtau punar ādadhīta iti // (16) Par.?
varṣāsviti ha eka āhuḥ // (17) Par.?
varṣāsu vai sarve kāmāḥ // (18) Par.?
sarveṣām eva kāmānām āptyai // (19) Par.?
madhyāvarṣe punarvasū nakṣatram udīkṣya punar ādadhīta // (20) Par.?
punar mā vasu vittam upanamatviti // (21) Par.?
atho punaḥ kāmasyopāptyai // (22) Par.?
tad vai na tasmin kāle pūrvapakṣe punarvasubhyāṃ sampadyate // (23) Par.?
yaiva eṣāṣāḍhyā upariṣṭād amāvāsyā bhavati // (24) Par.?
tasyāṃ punar ādadhīta // (25) Par.?
sā punarvasubhyāṃ sampadyate // (26) Par.?
upāpto 'māvāsyāyāṃ kāmo bhavati // (27) Par.?
upāpto varṣāsu // (28) Par.?
upāptaḥ punarvasvoḥ // (29) Par.?
tasmāt tasyāṃ punar ādadhīta // (30) Par.?
pañcakapālaḥ puroḍāśo bhavati // (31) Par.?
pañcapadā paṅktiḥ // (32) Par.?
pāṅkto vai yajño yajñasya eva āptyai // (33) Par.?
Duration=0.19733905792236 secs.