Texts

Help

Select a text:
Bibliography
Select a chapter:
 (no revisions)
Associated topic(s): agnyādhāna, agnyādheya

Show parallels  Show headlines
Use dependency labeler
Chapter id: 15264
  • Click on a sentence to show its analysis
  • Keep the mouse pointer over a lemma to show its meanings.
na ha sma vai purāgnir aparaśuvṛkṇaṃ dahati // (1.1) Par.?
tad asmai prayoga evarṣir asvadayat // (2.1) Par.?
yad agne yāni kāni ceti samidham ādadhāti // (3.1) Par.?
aparaśuvṛkṇam evāsmai svadayati // (4.1) Par.?
sarvam asmai svadate ya evaṃ veda // (5.1) Par.?
audumbarīm ādadhāti // (6.1) Par.?
ūrg vā udumbaraḥ // (7.1) Par.?
ūrjam evāsmā apidadhāti // (8.1) Par.?
prajāpatir agnim asṛjata // (9.1) Par.?
taṃ sṛṣṭaṃ rakṣāṃsy ajighāṃsan // (10.1) Par.?
sa etad rākṣoghnam apaśyat // (11.1) Par.?
tena vai sa rakṣāṃsy apāhata // (12.1) Par.?
yad rākṣoghnam bhavati agner eva tena jātād rakṣāṃsy apahanti // (13.1) Par.?
āśvatthīm ādadhāti // (14.1) Par.?
aśvattho vai vanaspatīnāṃ sapatnasāhaḥ // (15.1) Par.?
vijityai // (16.1) Par.?
vaikaṅkatīm ādadhāti // (17.1) Par.?
bhā evāvarunddhe // (18.1) Par.?
śamīmayīm ādadhāti // (19.1) Par.?
śāntyai // (20.1) Par.?
saṃśitam me brahmod eṣām bāhū atiram iti uttame audumbarī vācayati // (21.1) Par.?
brahmaṇaiva kṣatraṃ saṃśyati // (22.1) Par.?
kṣatreṇa brahma // (23.1) Par.?
tasmād brāhmaṇo rājanyavān aty anyam brāhmaṇam // (24.1) Par.?
tasmād rājanyo brāhmaṇavān aty anyaṃ rājanyam // (25.1) Par.?
mṛtyur vā eṣa yad agniḥ // (26.1) Par.?
amṛtaṃ hiraṇyam // (27.1) Par.?
rukmam antaram pratimuñcate // (28.1) Par.?
amṛtam eva mṛtyor antardhatte // (29.1) Par.?
ekaviṃśatinirbādho bhavati // (30.1) Par.?
ekaviṃśatir vai devalokā dvādaśa māsāḥ pañcartavas traya ime lokā asāv āditya ekaviṃśaḥ // (31.1) Par.?
etāvanto vai devalokāḥ // (32.1) Par.?
tebhya eva bhrātṛvyam antareti // (33.1) Par.?
nirbādhair vai devā asurān nirbādhe 'kurvata // (34.1) Par.?
tan nirbādhānāṃ nirbādhatvam // (35.1) Par.?
nirbādhī bhavati // (36.1) Par.?
bhrātṛvyān eva nirbādhe kurute // (37.1) Par.?
sāvitriyā pratimuñcate // (38.1) Par.?
prasūtyai // (39.1) Par.?
naktoṣāseti uttarayā // (40.1) Par.?
ahorātrābhyām evainam udyacchate // (41.1) Par.?
devā agniṃ dhārayan draviṇodā iti āha // (42.1) Par.?
prāṇā vai devā draviṇodāḥ // (43.1) Par.?
ahorātrābhyām evainam udyatya prāṇair dādhāra // (44.1) Par.?
āsīnaḥ pratimuñcate // (45.1) Par.?
tasmād āsīnāḥ prajāḥ prajāyante // (46.1) Par.?
kṛṣṇājinam uttaram // (47.1) Par.?
tejo vai hiraṇyam // (48.1) Par.?
brahma kṛṣṇājinam // (49.1) Par.?
tejasā caivainam brahmaṇā cobhayataḥ parigṛhṇāti // (50.1) Par.?
ṣaḍudyāmaṃ śikyam bhavati // (51.1) Par.?
ṣaḍ vā ṛtavaḥ // (52.1) Par.?
ṛtubhir evainam udyacchate // (53.1) Par.?
yad dvādaśodyāmam saṃvatsareṇaiva // (54.1) Par.?
mauñjam bhavati // (55.1) Par.?
ūrg vai muñjāḥ // (56.1) Par.?
ūrjaivainaṃ samardhayati // (57.1) Par.?
suparṇo 'si garutmān iti avekṣate // (58.1) Par.?
rūpam evāsyaitan mahimānaṃ vyācaṣṭe // (59.1) Par.?
divaṃ gaccha suvaḥ pateti āha // (60.1) Par.?
suvargam evainaṃ lokaṃ gamayati // (61.1) Par.?
Duration=0.11005401611328 secs.