UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels
Show headlines
Use dependency labeler
Chapter id: 315
- Click on a sentence to show its analysis
- Keep the mouse pointer over a lemma to show its meanings.
pṛthivyādimahābhūtapañcakasya ekaikasmin grāhyagrāhakatayā yugmavṛttyudayasaṃvyavasthitiḥ // (1)
Par.?
tatra gandhaprādhānyād dharātattvasya pāyuprāṇarūpeṇa dviprakāratā // (2)
Par.?
aptattvasya ca rasapradhānatayopastharasanārūpeṇa dvaividhyam // (3)
Par.?
tejastattvasya rūpaprādhānyāt pādanetrabhedena dvayarūpatā // (4)
Par.?
vāyutattvasya sparśaprādhānyāt tvakpāṇisvabhāvato dvidhā gatiḥ // (5)
Par.?
ākāśatattvasya śabdaprādhānyāt vākchrotrabhedena dviprakāratayaiva bahudhātvam // (6)
Par.?
athavā pṛthivyapsvarūpau bhogyasvarūpāv avasthitau // (7)
Par.?
tejovāyvākhyau bhoktṛsvabhāvau saṃsthitau // (8)
Par.?
ākāśaṃ caitad yugmāntarasthaṃ sat suṣiratayā sarvapranāḍikāntaroditaṃ ca bahudhā vibhaktam // (9) Par.?
pṛthivyādivāyvantaṃ bhūtacatuṣṭayaṃ bhogyarūpam ākāśaṃ ca bhoktṛsvabhāvam iti vā // (10)
Par.?
bhogye 'pi bhoktā sadaiva tiṣṭhati bhoktary api bhogo nityaṃ vibhāti // (11)
Par.?
evam uktayuktyā pratyekaṃ pṛthivyādimahābhūtapañcakaṃ yugmena dvayavibhūtyā anārataṃ prollasatīty abhiprāyaḥ // (12)
Par.?
athavā pratyekaṃ vyaktāvyaktatayā bahirantaratayā śāntodriktatayā vā vibhāti // (13)
Par.?
etat pañcakasthānasaṃsthitayugmasya grāsāt saṃharaṇāt niravakāśasaṃvinniṣṭhā niravakāśā yeyaṃ saṃvit tasyā niṣṭhā samyag aviparyastatayā saṃsthitiḥ // (14)
Par.?
niravakāśasaṃvittvena nāpi savikalpasaṃvidunmeṣair avakāśo labhyate nāpi nirvikalpasaṃvitsvabhāvena praveśo 'dhigamyate // (15)
Par.?
ittham aprameyatvān niruttaraparamādvayasvabhāvatvāc ca niravakāśasaṃvidi hocyate // (16)
Par.?
tasyā niṣṭhā varagurupradarśitadṛśā satatam acyutā gatiḥ keṣāṃcid bhavatīty arthaḥ // (17)
Par.?
evaṃ dvayātmakakulakaulakavalanena nirupādhinīrūpaniḥsvarūpatādātmyaṃ bhavatīty arthaḥ // (18)
Par.?
dvayavigalanena paratattvāvasthitiṃ yugmacarcāgamanikayā iha uktvā tadanu saṃghaṭṭakathāsākṣātkāro nirūpyate // (19)
Par.?
Duration=0.051241874694824 secs.