Texts

Help

Select a text:
Bibliography
Select a chapter:
 (no revisions)
Associated topic(s): agnyādhāna, agnyādheya

Show parallels  Show headlines
Use dependency labeler
Chapter id: 15267
  • Click on a sentence to show its analysis
  • Keep the mouse pointer over a lemma to show its meanings.
yāvatī vai pṛthivī tasyai yama ādhipatyam parīyāya // (1.1) Par.?
yo vai yamaṃ devayajanam asyā aniryācyāgniṃ cinute yamāyainaṃ sa cinute // (2.1) Par.?
apetety adhyavasāyayati // (3.1) Par.?
yamam eva devayajanam asyai niryācyātmane 'gniṃ cinute // (4.1) Par.?
iṣvagreṇa vā asyā anāmṛtam icchanto nāvindan // (5.1) Par.?
te devā etad yajur apaśyan apeteti // (6.1) Par.?
yad etenādhyavasāyayaty anāmṛta evāgniṃ cinute // (7.1) Par.?
uddhanti // (8.1) Par.?
yad evāsyā amedhyaṃ tad apahanti // (9.1) Par.?
apo 'vokṣati // (10.1) Par.?
śāntyai // (11.1) Par.?
sikatā nivapati // (12.1) Par.?
etad vā agner vaiśvānarasya rūpam // (13.1) Par.?
rūpenaiva vaiśvānaram avarunddhe // (14.1) Par.?
ūṣān nivapati // (15.1) Par.?
puṣṭir vā eṣā prajananaṃ yad ūṣāḥ // (16.1) Par.?
puṣṭyām eva prajanane 'gniṃ cinute // (17.1) Par.?
atho saṃjñāna eva // (18.1) Par.?
saṃjñānaṃ hy etat paśūnāṃ yad ūṣāḥ // (19.1) Par.?
dyāvāpṛthivī sahāstām // (20.1) Par.?
te viyatī abrūtām astv eva nau saha yajñiyam iti // (21.1) Par.?
yad amuṣyā yajñiyam āsīt tad asyām adadhāt ta ūṣā abhavan // (22.1) Par.?
yad asyā yajñiyam āsīt tad amuṣyām adadhāt tad adaś candramasi kṛṣṇam // (23.1) Par.?
ūṣān nivapann ado dhyāyet // (24.1) Par.?
dyāvāpṛthivyor eva yajñiye 'gniṃ cinute // (25.1) Par.?
ayaṃ so agnir iti viśvāmitrasya sūktam bhavati // (26.1) Par.?
etena vai viśvāmitro 'gneḥ priyaṃ dhāmāvārunddha // (27.1) Par.?
agner evaitena priyaṃ dhāmāvarunddhe // (28.1) Par.?
chandobhir vai devāḥ suvargaṃ lokam āyan // (29.1) Par.?
catasraḥ prācīr upadadhāti // (30.1) Par.?
catvāri chandāṃsi // (31.1) Par.?
chandobhir eva tad yajamānaḥ suvargaṃ lokam eti // (32.1) Par.?
teṣāṃ suvargaṃ lokaṃ yatāṃ diśaḥ samavlīyanta // (33.1) Par.?
te dve purastāt samīcī upādadhata dve paścāt samīcī // (34.1) Par.?
tābhir vai te diśo 'dṛṃhan // (35.1) Par.?
yad dve purastāt samīcī upadadhāti dve paścāt samīcī diśāṃ vidhṛtyai // (36.1) Par.?
atho paśavo vai chandāṃsi // (37.1) Par.?
paśūn evāsmai samīco dadhāti // (38.1) Par.?
aṣṭāv upadadhāti // (39.1) Par.?
aṣṭākṣarā gāyatrī // (40.1) Par.?
gāyatro 'gniḥ // (41.1) Par.?
yāvān evāgnis taṃ cinute // (42.1) Par.?
aṣṭāv upadadhāti // (43.1) Par.?
aṣṭākṣarā gāyatrī // (44.1) Par.?
gāyatrī suvargaṃ lokam añjasā veda // (45.1) Par.?
suvargasya lokasya prajñātyai // (46.1) Par.?
trayodaśa lokampṛṇā upadadhāti // (47.1) Par.?
ekaviṃśatiḥ sampadyante // (48.1) Par.?
pratiṣṭhā vā ekaviṃśaḥ // (49.1) Par.?
pratiṣṭhā gārhapatyaḥ // (50.1) Par.?
ekaviṃśasyaiva pratiṣṭhāṃ gārhapatyam anupratitiṣṭhati // (51.1) Par.?
praty agniṃ cikyānas tiṣṭhati ya evaṃ veda // (52.1) Par.?
pañcacitīkaṃ cinvīta prathamaṃ cinvānaḥ // (53.1) Par.?
pāṅkto yajñaḥ // (54.1) Par.?
pāṅktāḥ paśavaḥ // (55.1) Par.?
yajñam eva paśūn avarunddhe // (56.1) Par.?
tricitīkaṃ cinvīta dvitīyaṃ cinvānaḥ // (57.1) Par.?
traya ime lokāḥ // (58.1) Par.?
eṣv eva lokeṣu pratitiṣṭhanti // (59.1) Par.?
ekacitīkaṃ cinvīta tṛtīyaṃ cinvānaḥ // (60.1) Par.?
ekadhā vai suvargo lokaḥ // (61.1) Par.?
ekavṛtaiva suvargaṃ lokam eti // (62.1) Par.?
purīṣeṇābhyūhati // (63.1) Par.?
tasmān māṃsenāsthi channam // (64.1) Par.?
na duścarmā bhavati ya evaṃ veda // (65.1) Par.?
pañca citayo bhavanti // (66.1) Par.?
pañcabhiḥ purīṣair abhyūhati // (67.1) Par.?
daśa sampadyante // (68.1) Par.?
dasākṣarā virāṭ // (69.1) Par.?
annaṃ virāṭ // (70.1) Par.?
virājy evānnādye pratitiṣṭhati // (71.1) Par.?
Duration=0.10795307159424 secs.