Texts

Help

Select a text:
Bibliography
Select a chapter:
 (no revisions)
Associated topic(s): kāmyeṣṭi

Show parallels  Show headlines
Use dependency labeler
Chapter id: 14693
  • Click on a sentence to show its analysis
  • Keep the mouse pointer over a lemma to show its meanings.
mārutaṃ caruṃ nirvapet // (1) Par.?
tasyaikaviṃśatinirbādho harito rukmo 'pidhānas syāt tasyāpagrāham avadyed yat kṣatriyaṃ viṇ nirbādhe kurvīta // (2) Par.?
viḍ vai marutaḥ // (3) Par.?
bhāgadheyenaivaināñ chamayati // (4) Par.?
ekaviṃśatinirbādho bhavati // (5) Par.?
ekaviṃśatir vai mārutā gaṇāḥ // (6) Par.?
yad ekaviṃśatinirbādhaḥ // (7) Par.?
nirbādhair evaiṣāṃ nirbādhān vṛṅkte // (8) Par.?
aindram ekādaśakapālaṃ nirvaped vaiśvadevaṃ dvādaśakapālaṃ sajātakāmaḥ // (9) Par.?
kṣatraṃ vā indraḥ // (10) Par.?
vaiśvadevīr imāḥ prajāḥ // (11) Par.?
kṣatrāyaiva viśam anuniyunakti // (12) Par.?
aindrasyāvadāyātha vaiśvadevasyobhe avadāne avadyet // (13) Par.?
athaindrasya // (14) Par.?
kṣatraṃ vā indraḥ // (15) Par.?
vaiśvadevīr imāḥ prajāḥ // (16) Par.?
kṣatreṇaiva viśam ubhayataḥ parigṛhṇāti // (17) Par.?
aindrī vaiśvadevavarṇe yājyānuvākye bhavataḥ // (18) Par.?
samṛddhyai // (19) Par.?
upacāyyapṛḍaṃ hiraṇyaṃ dakṣiṇā // (20) Par.?
sajātān evāsmā upadadhāti // (21) Par.?
tad etad anuvartma nāma haviḥ // (22) Par.?
sajātān evāsmā anuvartmanaḥ karoti // (23) Par.?
saumyaṃ śyāmākaṃ caruṃ nirvapet somavāmī // (24) Par.?
indro vai tvaṣṭus somam anupahūto 'pibat // (25) Par.?
sa viṣvak somapīthena vyārdhyata // (26) Par.?
tasmāt somo nānupahūtena pātavai // (27) Par.?
somapīthena vyardhuko bhavati // (28) Par.?
sa yat parāvamīt te śyāmākāḥ // (29) Par.?
eṣa vāva sa somapītho yac chyāmākaḥ // (30) Par.?
samakṣam eva somapītham avarunddhe // (31) Par.?
saumendraḥ kāryaḥ // (32) Par.?
indriyeṇa vā eṣa somapīthena vyṛdhyate yas somaṃ vamiti // (33) Par.?
saumyo brāhmaṇo devatayā // (34) Par.?
indriyam asya somapītho yat saumendraḥ // (35) Par.?
indriyeṇaivainaṃ somapīthena samardhayati // (36) Par.?
adhṛto vā etasmin somapītho yas somaṃ vamiti // (37) Par.?
taṇḍulān ucchiṃṣet // (38) Par.?
tān kvathati pratyāvapet // (39) Par.?
somapītham evāsmin dādhāra // (40) Par.?
agnaye jyotiṣmate 'ṣṭākapālaṃ nirvapet sauryaṃ carum agnaye jyotiṣmata upariṣṭād aṣṭākapālaṃ cakṣuṣkāmaḥ // (41) Par.?
agner vai manuṣyā naktaṃ cakṣuṣā paśyanti // (42) Par.?
sūryasya divā // (43) Par.?
tau cakṣuṣaḥ pradātārau // (44) Par.?
tā eva bhāgadheyenopadhāvati // (45) Par.?
tā asmai cakṣuḥ prayacchataḥ // (46) Par.?
yat samānī devatā dvedhā kriyate tasmāt samānaṃ sac cakṣur dvedhā // (47) Par.?
tasmāt samānī yājyānuvākye bhavataḥ // (48) Par.?
sauryasya madhyato 'vadyati // (49) Par.?
idam eva tena karoti // (50) Par.?
yad idam antarā cakṣuṣī // (51) Par.?
cakṣuṣor vyāvṛttyai // (52) Par.?
trīn piṇḍān prayacchati // (53) Par.?
ud u tyaṃ jātavedasam ayukta sapta śundhyuvas sapta tvā harito ratha iti // (54) Par.?
cakṣur evāsmai tat prayacchati yad eva tasya tat // (55) Par.?
saiṣā rājanī nāmeṣṭiḥ // (56) Par.?
etayā ha vai rajanaṃ kauṇeyaṃ kratujijjānakiś cakṣuṣkāmaṃ yājayāṃcakāra // (57) Par.?
tayaitayā cakṣuṣkāma eva yajeta // (58) Par.?
āgneyam aṣṭākapālaṃ nirvaped aindram ekādaśakapālaṃ bārhaspatyam aṣṭākapālaṃ bubhūṣan // (59) Par.?
indro vā adhṛtaś śithila ivāmanyata // (60) Par.?
so 'gnau caiva bṛhaspatau cānāthata // (61) Par.?
tam etayeṣṭyāyājayatām // (62) Par.?
yad āgneyaḥ // (63) Par.?
teja evāsmiṃs tena purastād adhattām // (64) Par.?
yad aindraḥ // (65) Par.?
indriyam evāsmiṃs tena madhyato 'dhattām // (66) Par.?
yad bārhaspatyaḥ // (67) Par.?
upariṣṭād evāsmiṃs tena brahmavarcasam adhattām // (68) Par.?
tato vai so 'bhavat // (69) Par.?
etayā yajeta bubhūṣan // (70) Par.?
yad āgneyaḥ // (71) Par.?
tejo vā agniḥ // (72) Par.?
teja eva tena purastād dhatte // (73) Par.?
yad aindraḥ // (74) Par.?
indriyaṃ vā indraḥ // (75) Par.?
indriyam eva tena madhyato dhatte // (76) Par.?
yad bārhaspatyaḥ // (77) Par.?
brahma vai bṛhaspatiḥ // (78) Par.?
upariṣṭād eva tena brahmavarcasaṃ dhatte // (79) Par.?
bhavaty eva // (80) Par.?
aindra itarayor nābhī samādadhāti // (81) Par.?
indriyam evāsmin madhyatas samādadhāti // (82) Par.?
aindro madhye bhavati // (83) Par.?
abhita itarau // (84) Par.?
tejo vā agniḥ // (85) Par.?
indriyam indraḥ // (86) Par.?
brahma bṛhaspatiḥ // (87) Par.?
tejasā caiva brahmavarcasena cendriyam ubhayata ātman parigṛhṇāti // (88) Par.?
trivatīr yājyānuvākyā bhavanti // (89) Par.?
samṛddhyai // (90) Par.?
tad etat tridhātu nāma haviḥ // (91) Par.?
trīṇi hi sa tena vīryāṇy adhatta // (92) Par.?
Duration=0.26443004608154 secs.