Texts

āgurodṛcam itīḍāyāṃ ca sūktavāke cāha // (1) Par.?

yadā vā āgnāvaiṣṇavaḥ puroḍāśo nirupyate // (2) Par.?

athaiva dīkṣita iti ha smāha // (3) Par.?

tasmād āgurodṛcam ityeva brūyāt // (4) Par.?

yathaiva dīkṣitasya na sūktavāke yajamānasya nāma gṛhṇāti // (5) Par.?

devagarbho vā eṣa yad dīkṣitaḥ // (6) Par.?

na vā ajātasya garbhasya nāma kurvanti // (7) Par.?

tasmād asya nāma na gṛhṇāti // (8) Par.?

na vede patnīṃ vācayati naivaṃ stṛṇāti // (9) Par.?

asaṃsthita iva vā atra yajño yat saumyo 'dhvaraḥ // (10) Par.?

netpurā kālāt saumyam adhvaraṃ saṃsthāpayānīti // (11) Par.?

tad āhuḥ kasmād dīkṣitasyāśanaṃ nāśnantīti // (12) Par.?

havireṣa bhavati yad dīkṣate // (13) Par.?

tad yathā haviṣo 'navattasyāśnīyād evaṃ tat // (14) Par.?

kāmaṃ prasūte 'śnīyāt // (15) Par.?

tad yathā haviṣo yātayāmasyāśnīyād evam u tat // (16) Par.?

tad āhuḥ kasmād dīkṣitasyānye nāma na gṛhṇantīti // (17) Par.?

agniṃ vā ātmānaṃ dīkṣamāṇo 'bhidīkṣate // (18) Par.?

tad yad asyānye nāma na gṛhṇanti // (19) Par.?

ned agnim āsīdāmeti // (20) Par.?

yad u so 'nyasya nāma na gṛhṇāti // (21) Par.?

ned enam agnibhūtaḥ pradahānīti // (22) Par.?

yam eva dviṣyāt // (23) Par.?

tasya dīkṣitaḥ sannāma graseta eva // (24) Par.?

tad evainam agnibhūtaḥ pradahati // (25) Par.?

atha yam icchet // (26) Par.?