Texts

Help

Select a text:
Bibliography
Select a chapter:
 (no revisions)
Associated topic(s): agnyādhāna, agnyādheya

Show parallels  Show headlines
Use dependency labeler
Chapter id: 15340
  • Click on a sentence to show its analysis
  • Keep the mouse pointer over a lemma to show its meanings.
agner bhāgo 'sīti purastād upadadhāti // (1.1) Par.?
yajñamukhaṃ vā agniḥ // (2.1) Par.?
yajñamukhaṃ dīkṣā // (3.1) Par.?
yajñamukham brahma // (4.1) Par.?
yajñamukhaṃ trivṛt // (5.1) Par.?
yajñamukham eva purastād viyātayati // (6.1) Par.?
nṛcakṣasām bhāgo 'sīti dakṣiṇataḥ // (7.1) Par.?
śuśruvāṃso vai nṛcakṣasaḥ // (8.1) Par.?
annaṃ dhātā // (9.1) Par.?
jātāyaivāsmā annam apidadhāti // (10.1) Par.?
tasmāj jāto 'nnam atti // (11.1) Par.?
janitraṃ spṛtaṃ saptadaśa stoma ity āha // (12.1) Par.?
annaṃ vai janitram // (13.1) Par.?
annaṃ saptadaśaḥ // (14.1) Par.?
annam eva dakṣiṇato dhatte // (15.1) Par.?
tasmād dakṣiṇenānnam adyate // (16.1) Par.?
mitrasya bhāgo 'sīti paścāt // (17.1) Par.?
prāṇo vai mitraḥ // (18.1) Par.?
apāno varuṇaḥ // (19.1) Par.?
prāṇāpānāv evāsmin dadhāti // (20.1) Par.?
divo vṛṣṭir vātā spṛtā ekaviṃśa stoma ity āha // (21.1) Par.?
pratiṣṭhā vā ekaviṃśaḥ // (22.1) Par.?
pratiṣṭhityai // (23.1) Par.?
indrasya bhāgo 'sīty uttarataḥ // (24.1) Par.?
ojo vā indraḥ // (25.1) Par.?
ojo viṣṇuḥ // (26.1) Par.?
ojaḥ kṣatram // (27.1) Par.?
ojaḥ pañcadaśaḥ // (28.1) Par.?
oja evottarato dhatte // (29.1) Par.?
tasmād uttarato'bhiprayāyī jayati // (30.1) Par.?
vasūnām bhāgo 'sīti purastād upadadhāti // (31.1) Par.?
yajñamukhaṃ vai vasavaḥ // (32.1) Par.?
yajñamukhaṃ rudrāḥ // (33.1) Par.?
yajñamukhaṃ caturviṃśaḥ // (34.1) Par.?
yajñamukham eva purastād viyātayati // (35.1) Par.?
ādityānām bhāgo 'sīti dakṣiṇataḥ // (36.1) Par.?
annaṃ vā ādityāḥ // (37.1) Par.?
annam marutaḥ // (38.1) Par.?
annaṃ garbhāḥ // (39.1) Par.?
annam pañcaviṃśaḥ // (40.1) Par.?
annam eva dakṣiṇato dhatte // (41.1) Par.?
tasmād dakṣiṇenānnam adyate // (42.1) Par.?
adityai bhāgo 'sīti paścāt // (43.1) Par.?
pratiṣṭhā vā aditiḥ // (44.1) Par.?
pratiṣṭhā pūṣā // (45.1) Par.?
pratiṣṭhā triṇavaḥ // (46.1) Par.?
pratiṣṭhityai // (47.1) Par.?
devasya savitur bhāgo 'sīty uttarataḥ // (48.1) Par.?
brahma vai devaḥ savitā // (49.1) Par.?
brahma bṛhaspatiḥ // (50.1) Par.?
brahma catuṣṭomaḥ // (51.1) Par.?
brahmavarcasam evottarato dhatte // (52.1) Par.?
tasmād uttaro 'rdho brahmavarcasitaraḥ // (53.1) Par.?
sāvitravatī bhavati prasūtyai // (54.1) Par.?
tasmād brāhmaṇānām udīcī saniḥ prasūtā // (55.1) Par.?
dhartraś catuṣṭoma iti purastād upadadhāti // (56.1) Par.?
yajñamukhaṃ vai dhartraḥ // (57.1) Par.?
yajñamukhaṃ catuṣṭomaḥ // (58.1) Par.?
yajñamukham eva purastād viyātayati // (59.1) Par.?
yāvānām bhāgo 'sīti dakṣiṇataḥ // (60.1) Par.?
māsā vai yāvā ardhamāsā ayāvāḥ // (61.1) Par.?
tasmād dakṣiṇāvṛto māsāḥ // (62.1) Par.?
annaṃ vai yāvāḥ // (63.1) Par.?
annam prajāḥ // (64.1) Par.?
annam eva dakṣiṇato dhatte // (65.1) Par.?
tasmād dakṣiṇenānnam adyate // (66.1) Par.?
ṛbhūṇām bhāgo 'sīti paścāt // (67.1) Par.?
pratiṣṭhityai // (68.1) Par.?
vivarto 'ṣṭācatvāriṃśa ity uttarataḥ // (69.1) Par.?
anayor lokayoḥ savīryatvāya // (70.1) Par.?
tasmād imau lokau samāvadvīryau // (71.1) Par.?
yasya mukhyavatīḥ purastād upadhīyante mukhya eva bhavati // (72.1) Par.?
āsya mukhyo jāyate // (73.1) Par.?
yasyānnavatīr dakṣiṇato 'tty annam // (74.1) Par.?
āsyānnādo jāyate // (75.1) Par.?
yasya pratiṣṭhāvatīḥ paścāt praty eva tiṣṭhati // (76.1) Par.?
yasyaujasvatīr uttarata ojasvy eva bhavati // (77.1) Par.?
āsyaujasvī jāyate // (78.1) Par.?
arko vā eṣa yad agniḥ // (79.1) Par.?
tasyaitad eva stotram etac chastram // (80.1) Par.?
yad eṣā vidhā vidhīyate 'rka eva tad arkyam anu vidhīyate // (81.1) Par.?
atty annam // (82.1) Par.?
āsyānnādyo jāyate yasyaiṣā vidhā vidhīyate ya u cainām evaṃ veda // (83.1) Par.?
sṛṣṭīr upadadhāti // (84.1) Par.?
yathāsṛṣṭam evāvarunddhe // (85.1) Par.?
na vā idaṃ divā na naktam āsīd avyāvṛttam // (86.1) Par.?
te devā etā vyuṣṭīr apaśyan // (87.1) Par.?
tā upādadhata // (88.1) Par.?
tato vā idaṃ vyaucchat // (89.1) Par.?
yasyaitā upadhīyante vy evāsmā ucchati // (90.1) Par.?
atho tama evāpahate // (91.1) Par.?
Duration=0.2233419418335 secs.