UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 12442
- Click on a sentence to show its analysis
- Keep the mouse pointer over a lemma to show its meanings.
vājasya mā prasavenodgrābheṇod agrabhīt / (1.1)
Par.?
athā sapatnāṁ indro me nigrābheṇādharāṁ akaḥ // (1.2)
Par.?
udgrābhaṃ ca nigrābhaṃ ca brahma devā avīvṛdhan athā sapatnān indrāgnī me viṣūcīnān vyasyatām // (2.1)
Par.?
vasubhyas tvā rudrebhyas tvādityebhyas tvā / (3.1)
Par.?
aktaṃ rihāṇā viyantu vayaḥ / (3.2)
Par.?
prajāṃ yonim mā nir mṛkṣam / (3.3)
Par.?
ā pyāyantām āpa oṣadhayas / (3.4)
Par.?
marutām pṛṣataya stha / (3.5)
Par.?
gaccha tato no vṛṣṭim eraya / (4.1)
Par.?
āyuṣpā agne 'sy āyur me pāhi / (4.2)
Par.?
cakṣuṣpā agne 'si cakṣur me pāhi / (4.3)
Par.?
yam paridhim paryadhatthā agne deva paṇibhir vīyamāṇas taṃ ta etam anu joṣam bharāmi ned eṣa tvad apacetayātai / (4.5)
Par.?
yajñasya pātha upa sam itam / (4.6)
Par.?
saṃsrāvabhāgā stheṣā bṛhantaḥ prastareṣṭhā barhiṣadaś ca // (4.7) Par.?
devā imāṃ vācam abhi viśve gṛṇanta āsadyāsmin barhiṣi mādayadhvam / (5.1)
Par.?
agner vām apannagṛhasya sadasi sādayāmi / (5.2)
Par.?
sumnāya sumninī sumne mā dhattam / (5.3)
Par.?
dhuri dhuryau pātam / (5.4)
Par.?
agne 'dabdhāyo 'śītatano pāhi mādya divaḥ pāhi prasityai pāhi duriṣṭyai pāhi duradmanyai pāhi duścaritāt / (5.5)
Par.?
aviṣaṃ naḥ pituṃ kṛṇu suṣadā yoniṃ svāhā / (5.6)
Par.?
devā gātuvido gātuṃ vittvā gātum ita / (5.7)
Par.?
manasas pata imaṃ no deva deveṣu yajñaṃ svāhā vāci svāhā vāte dhāḥ // (5.8)
Par.?
Duration=0.07384181022644 secs.