Texts

bhūmir bhūmnā dyaur variṇeti āha // (1.1) Par.?

āśiṣaivainam ādhatte // (2.1) Par.?

sarpā vai jīryanto 'manyanta // (3.1) Par.?

sa etaṃ kasarṇīraḥ kādraveyo mantram apaśyat // (4.1) Par.?

tato vai te jīrṇās tanūr apāghnata // (5.1) Par.?

sarparājñiyā ṛgbhir gārhapatyam ādadhāti // (6.1) Par.?

punarnavam evainam ajaraṃ kṛtvādhatte // (7.1) Par.?

atho pūtam eva pṛthivīm annādyaṃ nopānamat // (8.1) Par.?

saitaṃ mantram apaśyat // (9.1) Par.?

tato vai tām annādyam upānamat // (10.1) Par.?

yat sarparājñiyā ṛgbhir gārhapatyam ādadhāti // (11.1) Par.?

annādyasyāvaruddhyai // (12.1) Par.?

atho asyām evainam pratiṣṭhitam ādhatte // (13.1) Par.?

yat tvā kruddhaḥ parovapeti āha // (14.1) Par.?

apahnuta evāsmai tat // (15.1) Par.?

punas tvoddīpayāmasīti āha // (16.1) Par.?

saminddha evainam // (17.1) Par.?

yat te manyuparoptasyeti āha // (18.1) Par.?

devatābhir evainaṃ saṃbharati // (19.1) Par.?

vi vā etasya yajñaś chidyate yo 'gnim udvāsayate // (20.1) Par.?

bṛhaspativatyarcopatiṣṭhate // (21.1) Par.?

brahma vai devānām bṛhaspatiḥ // (22.1) Par.?

brahmaṇaiva yajñaṃ saṃdadhāti // (23.1) Par.?

vicchinnaṃ yajñaṃ sam imaṃ dadhātv iti āha // (24.1) Par.?

saṃtatyai // (25.1) Par.?

viśve devā iha mādayantām iti āha // (26.1) Par.?

saṃtatyaiva yajñaṃ devebhyo 'nudiśati // (27.1) Par.?

sapta te agne samidhaḥ sapta jihvā iti āha // (28.1) Par.?

saptasapta vai saptadhāgneḥ priyās tanuvaḥ // (29.1) Par.?

tā evāvarunddhe // (30.1) Par.?

punar ūrjā saha rayyeti // (31.1) Par.?

abhitaḥ puroḍāśam āhutī juhoti // (32.1) Par.?

yajamānam evorjā ca rayyā cobhayataḥ parigṛhṇāti // (33.1) Par.?

ādityā vā asmāl lokād amuṃ lokam āyan // (34.1) Par.?

te 'muṣmiṃ loke vyatṛṣyan // (35.1) Par.?

ta imaṃ lokam punar abhyavetyāgnim ādhāyaitān homān ajuhavuḥ // (36.1) Par.?

ta ārdhnuvan // (37.1) Par.?

te suvargaṃ lokam āyan // (38.1) Par.?

yaḥ parācīnam punarādheyād agnim ādadhīta sa etān homāñ juhuyāt // (39.1) Par.?

yām evādityā ṛddhim ārdhnuvan tām evardhnoti // (40.1) Par.?