Texts

Help

Select a text:
Bibliography
Select a chapter:
 (no revisions)
Associated topic(s): punarādheya

Show parallels  Show headlines
Use dependency labeler
Chapter id: 15097
  • Click on a sentence to show its analysis
  • Keep the mouse pointer over a lemma to show its meanings.
ayajño vā eṣa yo 'sāmā // (1.1) Par.?
upaprayanto adhvaram iti āha // (2.1) Par.?
stomam evāsmai yunakti // (3.1) Par.?
upeti āha // (4.1) Par.?
prajā vai paśava upemaṃ lokam // (5.1) Par.?
prajām eva paśūn imaṃ lokam upaiti // (6.1) Par.?
asya pratnām anu dyutam iti āha // (7.1) Par.?
suvargo vai lokaḥ pratnaḥ // (8.1) Par.?
suvargam eva lokaṃ samārohati // (9.1) Par.?
agnir mūrdhā divaḥ kakud iti āha // (10.1) Par.?
mūrdhānam evainaṃ samānānāṃ karoti // (11.1) Par.?
atho devalokād eva manuṣyaloke pratitiṣṭhati // (12.1) Par.?
ayam iha prathamo dhāyi dhātṛbhir iti āha // (13.1) Par.?
mukhyam evainaṃ karoti // (14.1) Par.?
ubhā vām indrāgnī āhuvadhyā iti āha // (15.1) Par.?
ojo balam evāvarunddhe // (16.1) Par.?
ayaṃ te yonir ṛtviya iti āha // (17.1) Par.?
paśavo vai rayiḥ // (18.1) Par.?
paśūn evāvarunddhe // (19.1) Par.?
ṣaḍbhir upatiṣṭhate // (20.1) Par.?
ṣaḍ vai ṛtavaḥ // (21.1) Par.?
ṛtuṣv eva pratitiṣṭhati // (22.1) Par.?
ṣaḍbhir uttarābhir upatiṣṭhate // (23.1) Par.?
dvādaśa sampadyante // (24.1) Par.?
dvādaśa māsāḥ saṃvatsaraḥ // (25.1) Par.?
saṃvatsara eva pratitiṣṭhati // (26.1) Par.?
yathā vai puruṣo 'śvo gaur jīryaty evam agnir āhito jīryati // (27.1) Par.?
saṃvatsarasya parastād āgnipāvamānībhir upatiṣṭhate // (28.1) Par.?
punarnavam evainam ajaraṃ karoti // (29.1) Par.?
atho punāty eva // (30.1) Par.?
upatiṣṭhate // (31.1) Par.?
yoga evāsyaiṣa upatiṣṭhate // (32.1) Par.?
dama evāsyaiṣa upatiṣṭhate // (33.1) Par.?
yācñaivāsyaiṣopatiṣṭhate // (34.1) Par.?
yathā pāpīyāñchreyasa āhṛtya namasyati tādṛg eva tat // (35.1) Par.?
āyurdā agne 'si // (36.1) Par.?
āyur me dehīti āha // (37.1) Par.?
āyurdā hy eṣa // (38.1) Par.?
varcodā agne 'si // (39.1) Par.?
varco me dehīti āha // (40.1) Par.?
varcodā hy eṣa // (41.1) Par.?
tanūpā agne 'si // (42.1) Par.?
tanuvam me pāhīti āha // (43.1) Par.?
tanūpā hy eṣa // (44.1) Par.?
agne yan me tanuvā ūnaṃ tan ma ā pṛṇeti āha // (45.1) Par.?
yan me prajāyai paśūnām ūnaṃ tan ma ā pūrayeti vāvaitad āha // (46.1) Par.?
citrāvaso svasti te pāram aśīyeti āha // (47.1) Par.?
rātrir vai citrāvasuḥ // (48.1) Par.?
avyuṣṭyai vā etasyai purā brāhmaṇā abhaiṣuḥ // (49.1) Par.?
vyuṣṭim evāvarunddhe // (50.1) Par.?
indhānās tvā śataṃ himā iti āha // (51.1) Par.?
śatāyuḥ puruṣaḥ śatendriyaḥ // (52.1) Par.?
āyuṣy evendriye pratitiṣṭhati // (53.1) Par.?
eṣā vai sūrmī karṇakāvatī // (54.1) Par.?
etayā ha sma vai devā asurāṇāṃ śatatarhāṃs tṛṃhanti // (55.1) Par.?
yad etayā samidham ādadhāti // (56.1) Par.?
vajram evaitac chataghnīṃ yajamāno bhrātṛvyāya praharati // (57.1) Par.?
stṛtyai // (58.1) Par.?
acchambaṭkāram // (59.1) Par.?
saṃ tvam agne sūryasya varcasāgathā iti āha // (60.1) Par.?
etat tvam asīdam aham bhūyāsam iti vāvaitad āha // (61.1) Par.?
tvam agne sūryavarcā asīti āha // (62.1) Par.?
āśiṣam evaitām āśāste // (63.1) Par.?
Duration=0.11058402061462 secs.