Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 14918

Click on a sentence to show its analysis
Keep the mouse pointer over a lemma to show its meanings.

āgneyam ajam ālabheta saumyam ṛṣabhaṃ yasya pitā pitāmahaḥ puṇyas syād atha tan na prāpnuyāt // (1) Par.?

agnis sarvā devatāḥ // (2) Par.?

mukhata eva devatā ālabhate // (3) Par.?

indriyeṇa vā eṣa somapīthena vyṛdhyate yasya pitā pitāmahaḥ puṇyo bhavaty atha tan na prāpnoti // (4) Par.?

saumyo brāhmaṇo devatayā // (5) Par.?

indriyam asya somapītho yat saumyaḥ // (6) Par.?

indriyeṇaivainaṃ somapīthena samardhayati // (7) Par.?

dyāvāpṛthivyāṃ dhenuṃ paryāriṇīm ālabheta niruddho jyoṅniruddhaḥ // (8) Par.?

dyāvāpṛthivyor vā eṣa nirbhakto yo niruddho jyoṅniruddhaḥ // (9) Par.?

yad dyāvāpṛthivyā // (10) Par.?

dyāvāpṛthivyor evainam ābhajati // (11) Par.?

paryārī vā eṣa yo niruddho jyoṅniruddhaḥ // (12) Par.?

paryāriṇy asya devatā // (13) Par.?

yat paryāriṇī // (14) Par.?

sva evāsya tena paśuḥ // (15) Par.?

etasyā eva // (16) Par.?

vāyavyaṃ vatsaṃ śva ālabheta // (17) Par.?

vāyur vā anayor vatsaḥ // (18) Par.?

sa ime āpyāyayati // (19) Par.?

sa pradāpayati // (20) Par.?

tam eva bhāgadheyenopadhāvati // (21) Par.?

so 'smā ime pradāpayati // (22) Par.?

aindrāgnam etam anusṛṣṭam ālabheta yasya pitā pitāmahas somaṃ na pibed atha sa pipāset // (23) Par.?

indriyeṇa vā eṣa somapīthena vyṛdhyate yasya pitā pitāmahas somaṃ na pibati // (24) Par.?

āgneyo brāhmaṇo devatayā // (25) Par.?

indriyam asya somapītho yad aindrāgnaḥ // (26) Par.?

svayaiva devatayā somapītham anusaṃtanoti // (27) Par.?

anusṛṣṭo vā etasya somapītho yasya pitā pitāmahas somaṃ na pibati // (28) Par.?

yad anusṛṣṭaḥ // (29) Par.?

sva evāsya tena paśuḥ // (30) Par.?

yad etau // (31) Par.?

dvidevatyasya tad rūpam // (32) Par.?

tvāṣṭraṃ śuṇṭham ālabheta yaḥ kāmayeta // (33) Par.?

sūpakāśo me putro jāyeteti // (34) Par.?

tvaṣṭā vai rūpāṇāṃ vikartā // (35) Par.?

tam eva bhāgadheyenopadhāvati // (36) Par.?

so 'smai rūpāṇī vikaroti // (37) Par.?

āśvinaṃ kṛṣṇalalāmam ālabheta bhrātṛvyavān // (38) Par.?

devā vā asurān ahno 'nudanta // (39) Par.?

teṣāṃ yat svam āsīd yad vittaṃ yad vedyaṃ tena rātrīṃ samavāyan // (40) Par.?

te devā etam āśvinaṃ kṛṣṇalalāmam apaśyan // (41) Par.?

tam ālabhanta // (42) Par.?

tenainān rātrīm anvavāyan // (43) Par.?

dyāvāpṛthivī vā aśvinau // (44) Par.?

tān dyāvāpṛthivībhyām evāvastān nibādhyādityena parastād rātryā anudanta // (45) Par.?

teṣāṃ yat svam āsīd yad vittaṃ yad vedyaṃ tad avṛñjata // (46) Par.?

tato devā abhavan // (47) Par.?

parāsurā abhavan // (48) Par.?

dyāvāpṛthivī vā aśvinau // (49) Par.?

dyāvāpṛthivībhyām evāvastād bhrātṛvyaṃ nibādhyādityena parastād ahorātrayoḥ praṇudate // (50) Par.?

tasya yat svaṃ yad vittaṃ yad vedyaṃ tad vṛṅkte // (51) Par.?

bhavaty ātmanā // (52) Par.?

parāsya bhrātṛvyo bhavati // (53) Par.?

yal lalāmaḥ // (54) Par.?

ahnas tad rūpam // (55) Par.?

yat kṛṣṇaḥ // (56) Par.?

rātryās tat // (57) Par.?

ubhayor evainaṃ varṇayoḥ praṇudate // (58) Par.?

indro vai vilisteṅgāṃ dānavīm akāmayata // (59) Par.?

so 'sureṣv acarat // (60) Par.?

stry eva strīṣv abhavat // (61) Par.?

pumān puṃsu // (62) Par.?

sa nirṛtigṛhīta ivāmanyata // (63) Par.?

sa etam aindrānairṛtaṃ vipuṃsakam apaśyat // (64) Par.?

yena rūpeṇācarat tam ālabhata // (65) Par.?

tasya yad anavadānīyam āsīt tena pūrveṇa prācarat // (66) Par.?

dakṣiṇā paretya svakṛta iriṇe juṣāṇā nirṛtir vetu svāheti // (67) Par.?

athetaraṃ punar etyaindraṃ samasthāpayat // (68) Par.?

sa nirṛtim eva pūrvāṃ niravadāyāthaindreṇendriyaṃ vīryam ātmann adhatta // (69) Par.?

tato vai so 'bhavat // (70) Par.?

aindrānairṛtaṃ vipuṃsakam ālabheta bubhūṣan yo nirṛtigṛhīta iva manyeta // (71) Par.?

tasya yad anavadānīyaṃ syāt tena pūrveṇa pracaret // (72) Par.?

dakṣiṇā paretya svakṛta iriṇe juṣāṇā nirṛtir vetu svāheti // (73) Par.?

athetaraṃ punar etyaindraṃ saṃsthāpayet // (74) Par.?

nirṛtim eva pūrvāṃ niravadāyāthaindreṇendriyaṃ vīryam ātman dhatte // (75) Par.?

bhavaty eva // (76) Par.?

aindraṃ viśālam ṛṣabham ālabheta saṃgrāme yaḥ kāmayeta // (77) Par.?

ayaṃ saṃgrāmo na vijayeteti // (78) Par.?

indro vai saṃgrāmasya vinetā // (79) Par.?

indro vijāpayitā // (80) Par.?

tam eva bhāgadheyenopadhāvati // (81) Par.?

sa enān vinayati // (82) Par.?

yad viśālaḥ // (83) Par.?

viyatāṃ tad rūpam // (84) Par.?

indrāya vighanāya viśālam ṛṣabham ālabheta janatayos saṃdhau yaḥ kāmayeta // (85) Par.?

ubhe janate ṛccheyam iti // (86) Par.?

ubhe eva janate ṛcchati // (87) Par.?

te anyānyāṃ ghnatī carataḥ // (88) Par.?

yad viśālaḥ // (89) Par.?

āvraskam evaine gamayati // (90) Par.?

Duration=0.25344395637512 secs.