Texts

āgnivāruṇīm anaḍvāhīm ālabhetānājñātayakṣmagṛhītaḥ // (1) Par.?

anājñātayakṣmo vā etāṃ vitto yā strī saty anaḍvāhī // (2) Par.?

tasmād enām anājñātayakṣmagṛhīta ālabheta // (3) Par.?

agnis sarvā devatāḥ // (4) Par.?

yad evāsya devatābhir niṣitaṃ tad agninā muñcati // (5) Par.?

yad varuṇagṛhītaṃ tad varuṇena // (6) Par.?

yad vahinī // (7) Par.?

tenāgneyī // (8) Par.?

yat strī satī dāntā // (9) Par.?

tena vāruṇī // (10) Par.?

tasmād āgnivāruṇī bhavati // (11) Par.?

tvāṣṭram aṃsepādam ālabheta paśukāmaḥ // (12) Par.?

mithuno vā eṣa yo 'ṃsepāt // (13) Par.?

tvaṣṭā mithunasya prajanayitā // (14) Par.?

tam eva bhāgadheyenopadhāvati // (15) Par.?

so 'smā etasmān mithunāt paśūn prajanayati // (16) Par.?

vāruṇaṃ śyāmaśitikaṇṭham ālabheta yaṃ vyemānaṃ yakṣmo gṛhṇīyāt // (17) Par.?

varuṇo vā etaṃ gṛhṇāti yaṃ vyemānaṃ yakṣmo gṛhṇāti // (18) Par.?

yad vāruṇaḥ // (19) Par.?

varuṇād evainaṃ muñcati // (20) Par.?

pāpmanaiṣa gṛhīto ya āmayāvī // (21) Par.?

śyāma iva pāpmā // (22) Par.?

yac chyāmaḥ // (23) Par.?

pāpmānam evāpahate // (24) Par.?

yac chitikaṇṭhaḥ // (25) Par.?

varuṇapāśam eva tena pramuñcate // (26) Par.?

āśvinaṃ dhūmralalāmam ālabheta yo durbrāhmaṇaṃ somaṃ pipāyayiṣet // (27) Par.?

aśvinau vai devānām asomapā āstām // (28) Par.?

tau paścāt somapīthaṃ prāpnutām // (29) Par.?

aśvinā etasya devatā yaḥ paścāt somapaḥ // (30) Par.?

tā eva bhāgadheyenopadhāvati // (31) Par.?

tā enaṃ somapīthāya pariṇayataḥ // (32) Par.?

stāyad iva yajeta // (33) Par.?

stāyad iva hi durbrāhmaṇo brāhmaṇo bubhūṣati // (34) Par.?

dhūmra iva vā eṣa yo durbrāhmaṇaḥ // (35) Par.?

yad dhūmraḥ // (36) Par.?

dhrūmrimāṇam evāpahate // (37) Par.?

yal lalāmaḥ // (38) Par.?

mukhata eva tena tejo dhatte // (39) Par.?

sārasvatīṃ dhenuṣṭarīm ālabheta yaṃ bhrātṛvyā nīva śvāsayeran // (40) Par.?

vācā vā eta etaṃ niśvāsayante // (41) Par.?

vāk sarasvatī // (42) Par.?

yat sārasvatī // (43) Par.?

vācaivaiṣāṃ vācaṃ pratiśṛṇāti // (44) Par.?

dhenur vā eṣā satī na duhe // (45) Par.?

tasmād dhenuṣṭary ucyate // (46) Par.?

yad dhenuṣṭarī // (47) Par.?

vācam evaiṣāṃ starīkaroti // (48) Par.?

sārasvatīṃ dhenuṣṭarīm ālabheta yam ajaghnivāṃsam abhiśaṃseyuḥ // (49) Par.?

aśāntā vā etaṃ vāg ṛcchati yam ajaghnivāṃsam abhiśaṃsanti // (50) Par.?

vāk sarasvatī // (51) Par.?

yat sārasvatī // (52) Par.?

vācaivaiṣāṃ vācaṃ śamayati // (53) Par.?

dhenur vā eṣā satī na duhe // (54) Par.?

tasmād dhenuṣṭary ucyate // (55) Par.?

yad dhenuṣṭarī // (56) Par.?

vācam evaiṣāṃ starīkaroti // (57) Par.?

sāvitraṃ punarutsṛṣṭam ālabheta yaḥ purā puṇyo bhūtvā paścāt pāpīyān syāt // (58) Par.?

yayā vā eṣa devatayā purā puṇyo bhavati sā hi vā etam anusṛjati // (59) Par.?

athaiṣa pāpīyān bhavati // (60) Par.?

savitā śriyaḥ prasavitā // (61) Par.?

tam eva bhāgadheyenopadhāvati // (62) Par.?

sa enaṃ punaś śriye prasuvati // (63) Par.?

pāpo vā eṣa purā bhūtvā paścāc chriyaṃ prāpnoti yo 'naḍvān bhūtvokṣā bhavati // (64) Par.?

yathaiva sa śriyaṃ prāpnoty evam enaṃ śriyaṃ prāpayati // (65) Par.?