Texts

Help

Select a text:
Bibliography
Select a chapter:
 (no revisions)
Show parallels  Show headlines
Use dependency labeler
Chapter id: 14937
  • Click on a sentence to show its analysis
  • Keep the mouse pointer over a lemma to show its meanings.
yadāṣṭāpady abhūd iti // (1) Par.?
anubudhyeta // (2) Par.?
dhātā rātis savitedaṃ juṣantām iti // (3) Par.?
sruveṇāhavanīye juhuyāt // (4) Par.?
devatābhya evainān nivedayati // (5) Par.?
āvartaya nivartayeti // (6) Par.?
indram eva digbhya āvartayati // (7) Par.?
prāyaścittyai // (8) Par.?
vi te bhinadmi takarim iti // (9) Par.?
praiva janayati // (10) Par.?
antarā śroṇī nighnanti // (11) Par.?
prajananāya // (12) Par.?
purudasmavad iti // (13) Par.?
pātram upadadhāti // (14) Par.?
askandāya // (15) Par.?
ekapādaṃ dvipādam iti // (16) Par.?
prathayaty eva // (17) Par.?
yad avadyed avadānāny atirecayet // (18) Par.?
yan nāvadyet paśor ālabdhasya nāvadyed ārtim ārchet // (19) Par.?
purastād anyan nābhyā avadyet // (20) Par.?
paścād anyat // (21) Par.?
purastād vai nābhyāḥ prāṇaḥ // (22) Par.?
paścād apānaḥ // (23) Par.?
etāvān vai paśuḥ // (24) Par.?
yāvān eva paśus tasyāvadyati // (25) Par.?
acchambaṭkāram // (26) Par.?
yad rasam avadāneṣu vyānayati // (27) Par.?
tenaiva sarveṣām aṅgānām avattaṃ bhavati // (28) Par.?
aṣṭāpṛḍaṃ hiraṇyaṃ dakṣiṇā // (29) Par.?
aṣṭāpadī vā eṣā // (30) Par.?
ātmā navamaḥ // (31) Par.?
aṣṭāpṛḍam etat // (32) Par.?
nemir navamaḥ // (33) Par.?
paṣor āptyai // (34) Par.?
tṛtīye 'ntarakośa uṣṇīṣeṇāveṣṭitaṃ bhavati // (35) Par.?
vibilān iva kośān kuryāt // (36) Par.?
evam eva hi paśur loma carma māṃsam asthi majjā // (37) Par.?
paśum evāpnoti // (38) Par.?
tad viṣṇave śipiviṣṭāya juhoti // (39) Par.?
yo vai paśūnāṃ bhūmā yad atiriktaṃ tad viṣṇoś śipiviṣṭam // (40) Par.?
atiriktaṃ vā etat // (41) Par.?
atiriktaṃ śipiviṣṭam // (42) Par.?
atiriktenaivātiriktam āpnoti // (43) Par.?
atho atirikta evātiriktaṃ dadhāti // (44) Par.?
garbho yas te yajñiya iti // (45) Par.?
yajñiyam evainaṃ karoti // (46) Par.?
yonir yas te hiraṇyaya iti // (47) Par.?
hiraṇyayam evainaṃ karoti // (48) Par.?
aṅgāny ahrutā yasya taṃ devās samacīkᄆpann iti // (49) Par.?
sam evainaṃ kalpayati // (50) Par.?
mahī dyauḥ pṛthivī ca na iti // (51) Par.?
paśuśrapaṇa upavapati // (52) Par.?
anayor vā eṣa garbhaḥ // (53) Par.?
anayor evainaṃ pratiṣṭhāpayati // (54) Par.?
namo mahimna uta cakṣuṣe ta iti // (55) Par.?
vyṛddhena vā eṣa paśunā carati yasyaitāni na kriyante // (56) Par.?
yad etāni karoti // (57) Par.?
sarvam evainaṃ savīryaṃ sayoniṃ satanūm ṛddhyai saṃbharati // (58) Par.?
Duration=0.14538288116455 secs.