Texts

Help

Select a text:
Bibliography
Select a chapter:
 (no revisions)
Associated topic(s): Soma sacrifice

Show parallels  Show headlines
Use dependency labeler
Chapter id: 15679
  • Click on a sentence to show its analysis
  • Keep the mouse pointer over a lemma to show its meanings.
baddham avasyati // (1) Par.?
varuṇapāśād evaine muñcati // (2) Par.?
praṇenekti // (3) Par.?
medhye evaine karoti // (4) Par.?
sāvitriyarcā hutvā havirdhāne pravartayati // (5) Par.?
savitṛprasūta evaine pravartayati // (6) Par.?
varuṇo vā eṣa durvāg ubhayato baddho yad akṣaḥ // (7) Par.?
sa yad utsarjed yajamānasya gṛhān abhyutsarjet // (8) Par.?
suvāg deva duryāṁ āvadety āha // (9) Par.?
gṛhā vai duryāḥ śāntyai // (10) Par.?
patny upānakti // (11) Par.?
patnī hi sarvasya mitraṃ mitratvāya // (12) Par.?
yad vai patnī yajñasya karoti mithunaṃ tat // (13) Par.?
atho patniyā evaiṣa yajñasyānvārambho 'navachittyai // (14) Par.?
vartmanā vā anvitya yajñaṃ rakṣāṃsi jighāṃsanti // (15) Par.?
vaiṣṇavībhyām ṛgbhyāṃ vartmanor juhoti // (16) Par.?
yajño vai viṣṇuḥ // (17) Par.?
yajñād eva rakṣāṃsy apahanti // (18) Par.?
yad adhvaryur anagnāv āhutiṃ juhuyād andho 'dhvaryuḥ syād rakṣāṃsi yajñaṃ hanyuḥ // (19) Par.?
hiraṇyam upāsya juhoti // (20) Par.?
agnivaty eva juhoti // (21) Par.?
nāndho 'dhvaryur bhavati na yajñaṃ rakṣāṃsi ghnanti // (22) Par.?
prācī pretam adhvaraṃ kalpayantī ity āha // (23) Par.?
suvargam evaine lokaṃ gamayati // (24) Par.?
atra ramethāṃ varṣman pṛthivyā ity āha // (25) Par.?
varṣma hy etat pṛthivyā yad devayajanam // (26) Par.?
śiro vā etad yajñasya yaddhavirdhānam // (27) Par.?
divo vā viṣṇav uta vā pṛthivyā iti // (28) Par.?
āśīrpadayarcā dakṣiṇasya havirdhānasya methīṃ nihanti // (29) Par.?
śīrṣata eva yajñasya yajamāna āśiṣo 'varunddhe // (30) Par.?
daṇḍo vā auparas tṛtīyasya havirdhānasya vaṣaṭkāreṇākṣam achinat // (31) Par.?
yat tṛtīyaṃ chadir havirdhānayor udāhriyate tṛtīyasya havirdhānasyāvaruddhyai // (32) Par.?
śiro vā etad yajñasya yaddhavirdhānam // (33) Par.?
viṣṇo rarāṭam asi / (34.1) Par.?
viṣṇoḥ pṛṣṭham asīty āha // (34.2) Par.?
tasmād etāvaddhā śiro viṣyūtam // (35) Par.?
viṣṇoḥ syūr asi / (36.1) Par.?
viṣṇor dhruvam asīty āha // (36.2) Par.?
vaiṣṇavaṃ hi devatayā havirdhānam // (37) Par.?
yam prathamaṃ granthiṃ grathnīyāt yat taṃ na visraṃsayed amehenādhvaryuḥ pramīyeta // (38) Par.?
tasmāt sa visrasyaḥ // (39) Par.?
Duration=0.091058015823364 secs.