Texts

Help

Select a text:
Bibliography
Select a chapter:
 (no revisions)
Associated topic(s): agnyupasthāna

Show parallels  Show headlines
Use dependency labeler
Chapter id: 14568
  • Click on a sentence to show its analysis
  • Keep the mouse pointer over a lemma to show its meanings.
aditir vai prajākāmaudanam apacat // (1) Par.?
tasyocchiṣṭam āśnāt // (2) Par.?
sā garbham adhatta // (3) Par.?
tata ādityā ajāyanta // (4) Par.?
ya eṣa odanaḥ pacyata ārambhaṇam evaitat kriyate // (5) Par.?
ākramaṇam eva // (6) Par.?
prādeśamātrīs samidho bhavanti // (7) Par.?
etāvān hy ātmā prajāpatinā saṃmitaḥ // (8) Par.?
agner vai yā yajñiyā tanūr aśvatthe tayā samagacchata // (9) Par.?
eṣāsya ghṛtyā tanūr yad ghṛtam // (10) Par.?
yad ghṛtena samidho 'nakti // (11) Par.?
tābhyām evainaṃ tanūbhyāṃ saṃgamayati // (12) Par.?
nirmārgasyādadhāti // (13) Par.?
apagūrtyā vai vīryaṃ kriyate // (14) Par.?
yan nirmārgasyādadhāti // (15) Par.?
apagūrtyā eva // (16) Par.?
saṃvatsaro vai prajananam // (17) Par.?
agniḥ prajanayitā // (18) Par.?
tat prajananam // (19) Par.?
yat purā saṃvatsarād agnau samidha ādadhāti // (20) Par.?
prajananād evainaṃ prajanayitā prajanayati // (21) Par.?
abhaktartur vai puruṣaḥ // (22) Par.?
na hi tad veda yam ṛtum abhijāyate yan nakṣatram // (23) Par.?
yat samidha ādadhāti // (24) Par.?
ya evāsyartur yan nakṣatraṃ tad āpnoti // (25) Par.?
ya eṣa odanaḥ pacyate // (26) Par.?
yonir evaiṣa kriyate // (27) Par.?
yat samidha ādhīyante // (28) Par.?
retas tad dhīyate // (29) Par.?
saṃvatsare vai reto hitaṃ prajāyate // (30) Par.?
yat saṃvatsare paryete 'gnim ādhatte // (31) Par.?
prajātam evainam ādhatte // (32) Par.?
dvādaśasu rātrīṣu purādheyāḥ // (33) Par.?
tā hi saṃvatsarasya pratimā // (34) Par.?
atho tisṛṣv atho dvayor atho pūrvedyuḥ // (35) Par.?
ādheyās tv evāgnim ādadhānena // (36) Par.?
ādityā vā ita uttamā amuṃ lokam āyan // (37) Par.?
te pathirakṣayaḥ // (38) Par.?
ta iyakṣamāṇaṃ pratinudante // (39) Par.?
uccheṣaṇabhāgā vā ādityāḥ // (40) Par.?
yad ucchiṣṭena samidho 'nakti // (41) Par.?
tebhya eva prāvocata // (42) Par.?
tebhya eva procya svargaṃ lokam ārohati // (43) Par.?
Duration=0.25815200805664 secs.