Texts

rathantaraṃ sāma bhavati // (1) Par.?

āśīya ujjityai // (2) Par.?

iyaṃ vai rathantaram // (3) Par.?

asyām evādhyabhiṣicyate // (4) Par.?

viyonir vai vājapeyo niruktas san prājāpatyaḥ // (5) Par.?

niruktasāmā // (6) Par.?

tena viyoniḥ // (7) Par.?

yad aniruktāḥ prātassavāḥ // (8) Par.?

tena sayoniḥ // (9) Par.?

aniruktāḥ prātassavāḥ // (10) Par.?

aniruktaḥ prajāpatiḥ // (11) Par.?

prajāpatim evāpnoti // (12) Par.?

vājavatībhir madhyaṃdine stuvanti // (13) Par.?

annaṃ vai vājaḥ // (14) Par.?

annādyasyāvaruddhyai // (15) Par.?

citravatībhir ārbhave pavamāne // (16) Par.?

svargasya lokasya samaṣṭyai // (17) Par.?

āṣṭrādaṃṣṭram uttamam ukthānāṃ bhavati // (18) Par.?

uttare eva stotre abhisamtanoti // (19) Par.?

bṛhat sāma bhavati // (20) Par.?

yad vā atiricyate 'muṃ tal lokam abhyatiricyate // (21) Par.?

bṛhat tvā amuṃ lokam āptum arhati // (22) Par.?

indriyaṃ vīryaṃ bṛhat // (23) Par.?

indriya eva vīrye pratitiṣṭhati // (24) Par.?

vaiṣṇavīṣu śipiviṣṭavatīṣu stuvanti // (25) Par.?

eṣā vai prajāpateḥ paśuṣṭhas tanūr yā śipiviṣṭavatī // (26) Par.?

tasmāc chipiviṣṭavatīṣu stuvanti // (27) Par.?

atiriktaṃ vā etat // (28) Par.?

atiriktaṃ śipiviṣṭam // (29) Par.?

atiriktenaivātiriktam āpnoti // (30) Par.?