UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 12124
- Click on a sentence to show its analysis
- Keep the mouse pointer over a lemma to show its meanings.
yo vai devān devayaśasenārpayati manuṣyān manuṣyayaśasena devayaśasy eva deveṣu bhavati manuṣyayaśasī manuṣyeṣu / (1.1)
Par.?
yān prācīnam āgrayaṇād grahān gṛhṇīyāt tān upāṃśu gṛhṇīyād yān ūrdhvāṃs tān upabdimato devān eva tad devayaśasenārpayati manuṣyān manuṣyayaśasena devayaśasy eva deveṣu bhavati manuṣyayaśasī manuṣyeṣu / (1.2)
Par.?
agniḥ prātaḥsavane pātv asmān vaiśvānaro mahinā viśvaśambhūḥ / (1.3)
Par.?
sa naḥ pāvako draviṇaṃ dadhātu // (1.4)
Par.?
āyuṣmantaḥ sahabhakṣāḥ syāma / (2.1)
Par.?
viśve devā maruta indro asmān asmin dvitīye savane na jahyuḥ / (2.2)
Par.?
āyuṣmantaḥ priyam eṣāṃ vadanto vayaṃ devānāṃ sumatau syāma / (2.3)
Par.?
idaṃ tṛtīyaṃ savanaṃ kavīnām ṛtena ye camasam airayanta / (2.4)
Par.?
te saudhanvanāḥ svar ānaśānāḥ sviṣṭiṃ no abhi vasīyo nayantu / (2.5)
Par.?
āyatanavatīr vā anyā āhutayo hūyante 'nāyatanā anyāḥ / (2.6) Par.?
yā āghāravatīs tā āyatanavatīr yāḥ // (2.7)
Par.?
saumyās tā anāyatanā aindravāyavam ādāyāghāram āghārayet / (3.1)
Par.?
adhvaro yajño 'yam astu devā oṣadhībhyaḥ paśave no janāya viśvasmai bhūtāyādhvaro 'si sa pinvasva ghṛtavad deva soma iti / (3.2)
Par.?
saumyā eva tad āhutīr āyatanavatīḥ karoty āyatanavān bhavati ya evaṃ veda / (3.3)
Par.?
atho dyāvāpṛthivī eva ghṛtena vyunatti / (3.4)
Par.?
te vyunatte upajīvānīye bhavata upavīvanīyo bhavati // (3.5)
Par.?
ya evaṃ veda / (4.1)
Par.?
eṣa te rudra bhāgo yaṃ nirayācathās taṃ juṣasva vider gaupatyaṃ rāyaspoṣaṃ suvīryaṃ saṃvatsarīṇāṃ svastim / (4.2)
Par.?
manuḥ putrebhyo dāyaṃ vy abhajat sa nābhānediṣṭham brahmacaryaṃ vasantaṃ nir abhajat sa āgachat so 'bravīt / (4.3)
Par.?
kathā mā nir abhāg iti / (4.4)
Par.?
na tvā nir abhākṣam ity abravīd aṅgirasa ime sattam āsate te // (4.5)
Par.?
suvargaṃ lokaṃ na pra jānanti tebhya idam brāhmaṇam brūhi te suvargaṃ lokam yanto ya eṣām paśavas tāṃs te dāsyantīti / (5.1)
Par.?
tad ebhyo 'bravīt te suvargaṃ lokaṃ yanto ya eṣām paśava āsan tān asmā adadus / (5.2)
Par.?
tam paśubhiś carantaṃ yajñavāstau rudra āgachat so 'bravīn mama vā ime paśava ity adur vai // (5.3)
Par.?
mahyam imān ity aravīn na vai tasya ta īśata ity abravīd yad yajñavāstau hīyate mama vai tad iti tasmād yajñavāstu nābhyavetyam / (6.1)
Par.?
so 'bravīd yajñe mā bhajātha te paśūn nābhi maṃsya iti / (6.2)
Par.?
tasmā etam manthinaḥ saṃsrāvam ajuhot tato vai tasya rudraḥ paśūn nābhyamanyata / (6.3)
Par.?
yatraitam evaṃ vidvān manthinaḥ saṃsrāvaṃ juhoti na tatra rudraḥ paśūn abhimanyate // (6.4)
Par.?
Duration=0.067097902297974 secs.