Texts

Help

Select a text:
Bibliography
Select a chapter:
 (no revisions)
Associated topic(s): agnyādhāna, agnyādheya

Show parallels  Show headlines
Use dependency labeler
Chapter id: 15256
  • Click on a sentence to show its analysis
  • Keep the mouse pointer over a lemma to show its meanings.
utkrāmodakramīd iti // (1.1) Par.?
dvābhyām utkramayati // (2.1) Par.?
pratiṣṭhityai // (3.1) Par.?
anurūpābhyām // (4.1) Par.?
tasmād anurūpāḥ paśavaḥ prajāyante // (5.1) Par.?
apa upasṛjati // (6.1) Par.?
yatra vā āpa upagacchanti tad oṣadhayaḥ pratitiṣṭhanti // (7.1) Par.?
oṣadhīḥ pratitiṣṭhantīḥ paśavo 'nupratitiṣṭhanti // (8.1) Par.?
paśūn yajñaḥ // (9.1) Par.?
yajñaṃ yajamānaḥ // (10.1) Par.?
yajamānam prajāḥ // (11.1) Par.?
tasmād apa upasṛjati // (12.1) Par.?
pratiṣṭhityai // (13.1) Par.?
yad adhvaryur anagnāv āhutiṃ juhuyād andho 'dhvaryuḥ syād rakṣāṃsi yajñaṃ hanyuḥ // (14.1) Par.?
hiraṇyam upāsya juhoti // (15.1) Par.?
agnivaty eva juhoti // (16.1) Par.?
nāndho 'dhvaryur bhavati na yajñaṃ rakṣāṃsi ghnanti // (17.1) Par.?
jigharmy agnim manasā ghṛteneti āha // (18.1) Par.?
manasā hi puruṣo yajñam abhigacchati // (19.1) Par.?
pratikṣyantam bhuvanāni viśveti āha // (20.1) Par.?
sarvaṃ hy eṣa pratyaṅ kṣeti // (21.1) Par.?
pṛthuṃ tiraścā vayasā bṛhantam iti āha // (22.1) Par.?
alpo hy eṣa jāto mahān bhavati // (23.1) Par.?
vyaciṣṭham annaṃ rabhasaṃ vidānam iti āha // (24.1) Par.?
annam evāsmai svadayati // (25.1) Par.?
sarvam asmai svadate ya evaṃ veda // (26.1) Par.?
ā tvā jigharmi vacasā ghṛteneti āha // (27.1) Par.?
tasmād yat puruṣo manasābhigacchati tad vācā vadati // (28.1) Par.?
arakṣaseti āha // (29.1) Par.?
rakṣasām apahatyai // (30.1) Par.?
maryaśrī spṛhayadvarṇo agnir iti āha // (31.1) Par.?
apacitim evāsmin dadhāti // (32.1) Par.?
apacitimān bhavati ya evaṃ veda // (33.1) Par.?
manasā tvai tām āptum arhati yām adhvaryur anagnāv āhutiṃ juhoti // (34.1) Par.?
manasvatībhyāṃ juhoti // (35.1) Par.?
āhutyor āptyai // (36.1) Par.?
dvābhyām // (37.1) Par.?
pratiṣṭhityai // (38.1) Par.?
yajñamukhe yajñamukhe vai kriyamāṇe yajñaṃ rakṣāṃsi jighāṃsanti // (39.1) Par.?
etarhi khalu vā etad yajñamukhaṃ yarhy enad āhutir aśnute // (40.1) Par.?
parilikhati // (41.1) Par.?
rakṣasām apahatyai // (42.1) Par.?
tisṛbhiḥ parilikhati // (43.1) Par.?
trivṛd vā agniḥ // (44.1) Par.?
yāvān evāgnis tasmād rakṣāṃsy apahanti // (45.1) Par.?
gāyatriyā parilikhati // (46.1) Par.?
tejo vai gāyatrī // (47.1) Par.?
tejasaivainam parigṛhṇāti // (48.1) Par.?
triṣṭubhā parilikhati // (49.1) Par.?
indriyaṃ vai triṣṭup // (50.1) Par.?
indriyeṇaivainam parigṛhṇāti // (51.1) Par.?
anuṣṭubhā parilikhati // (52.1) Par.?
anuṣṭup sarvāṇi chandāṃsi paribhūḥ // (53.1) Par.?
paryāptyai // (54.1) Par.?
madhyato 'nuṣṭubhā // (55.1) Par.?
vāg vā anuṣṭup // (56.1) Par.?
tasmān madhyato vācā vadāmaḥ // (57.1) Par.?
gāyatriyā prathamayā parilikhaty athānuṣṭubhātha triṣṭubhā // (58.1) Par.?
tejo vai gāyatrī // (59.1) Par.?
yajño 'nuṣṭup // (60.1) Par.?
indriyaṃ triṣṭup // (61.1) Par.?
tejasā caivendriyeṇa cobhayato yajñam parigṛhṇāti // (62.1) Par.?
Duration=0.18712306022644 secs.