Texts

Help

Select a text:
Bibliography
Select a chapter:
 (no revisions)
Associated topic(s): agnyādhāna, agnyādheya

Show parallels  Show headlines
Use dependency labeler
Chapter id: 15257
  • Click on a sentence to show its analysis
  • Keep the mouse pointer over a lemma to show its meanings.
devasya tvā savituḥ prasava iti khanati // (1.1) Par.?
prasūtyai // (2.1) Par.?
atho dhūmam evaitena janayati // (3.1) Par.?
jyotiṣmantaṃ tvāgne supratīkam iti āha // (4.1) Par.?
jyotir evaitena janayati // (5.1) Par.?
so 'gnir jātaḥ prajāḥ śucārpayat // (6.1) Par.?
taṃ devā ardharcenāśamayan // (7.1) Par.?
śivam prajābhyo 'hiṃsantam iti āha // (8.1) Par.?
prajābhya evainaṃ śamayati // (9.1) Par.?
dvābhyāṃ khanati // (10.1) Par.?
pratiṣṭhityai // (11.1) Par.?
apām pṛṣṭham asīti puṣkaraparṇam āharati // (12.1) Par.?
apāṃ vā etat pṛṣṭhaṃ yat puṣkaraparṇam // (13.1) Par.?
rūpeṇaivainad āharati // (14.1) Par.?
puṣkaraparṇena saṃbharati // (15.1) Par.?
yonir vā agneḥ puṣkaraparṇam // (16.1) Par.?
sayonim evāgniṃ saṃbharati // (17.1) Par.?
kṛṣṇājinena saṃbharati // (18.1) Par.?
yajño vai kṛṣṇājinam // (19.1) Par.?
yajñenaiva yajñaṃ saṃbharati // (20.1) Par.?
yad grāmyāṇām paśūnāṃ carmaṇā saṃbhared grāmyān paśūñchucārpayet // (21.1) Par.?
kṛṣṇājinena saṃbharati // (22.1) Par.?
āraṇyān eva paśūñchucārpayati // (23.1) Par.?
tasmāt samāvat paśūnām prajāyamānānām āraṇyāḥ paśavaḥ kanīyāṃsaḥ // (24.1) Par.?
śucā hy ṛtāḥ // (25.1) Par.?
lomataḥ saṃbharati // (26.1) Par.?
ato hy asya medhyam // (27.1) Par.?
kṛṣṇājinaṃ ca puṣkaraparṇaṃ ca saṃstṛṇāti // (28.1) Par.?
iyaṃ vai kṛṣṇājinam // (29.1) Par.?
asau puṣkaraparṇam // (30.1) Par.?
ābhyām evainam ubhayataḥ parigṛhṇāti // (31.1) Par.?
agnir devebhyo nilāyata tam atharvānvapaśyat // (32.1) Par.?
atharvā tvā prathamo niramanthad agna iti āha // (33.1) Par.?
ya evainam anvapaśyat tenaivainaṃ saṃbharati // (34.1) Par.?
tvām agne puṣkarād adhīti āha // (35.1) Par.?
puṣkaraparṇe hy enam upaśritam avindat // (36.1) Par.?
tam u tvā dadhyaṅṅ ṛṣir iti āha // (37.1) Par.?
dadhyaṅ vā ātharvaṇas tejasvy āsīt // (38.1) Par.?
teja evāsmin dadhāti // (39.1) Par.?
tam u tvā pāthyo vṛṣeti āha // (40.1) Par.?
pūrvam evoditam uttareṇābhigṛṇāti // (41.1) Par.?
catasṛbhiḥ saṃbharati // (42.1) Par.?
catvāri chandāṃsi // (43.1) Par.?
chandobhir eva // (44.1) Par.?
gāyatrībhir brāhmaṇasya // (45.1) Par.?
gāyatro hi brāhmaṇaḥ // (46.1) Par.?
triṣṭubbhī rājanyasya // (47.1) Par.?
traiṣṭubho hi rājanyaḥ // (48.1) Par.?
yaṃ kāmayeta vasīyānt syād iti ubhayībhis tasya saṃbharet // (49.1) Par.?
tejaś caivāsmā indriyaṃ ca samīcī dadhāti // (50.1) Par.?
aṣṭābhiḥ saṃbharati // (51.1) Par.?
aṣṭākṣarā gāyatrī // (52.1) Par.?
gāyatro 'gniḥ // (53.1) Par.?
yāvān evāgnis taṃ saṃbharati // (54.1) Par.?
sīda hotar iti āha // (55.1) Par.?
devatā evāsmai saṃsādayati // (56.1) Par.?
ni hoteti manuṣyān // (57.1) Par.?
saṃsīdasveti vayāṃsi // (58.1) Par.?
janiṣvā hi jenyo agre ahnām iti āha // (59.1) Par.?
devamanuṣyān evāsmai saṃsannān prajanayati // (60.1) Par.?
Duration=0.13183784484863 secs.