Texts

Help

Select a text:
Bibliography
Select a chapter:
 (no revisions)
Associated topic(s): agnyādhāna, agnyādheya

Show parallels  Show headlines
Use dependency labeler
Chapter id: 15259
  • Click on a sentence to show its analysis
  • Keep the mouse pointer over a lemma to show its meanings.
vāruṇo vā agnir upanaddhaḥ // (1.1) Par.?
vi pājaseti visraṃsayati // (2.1) Par.?
savitṛprasūta evāsya viṣūcīṃ varuṇameniṃ visṛjati // (3.1) Par.?
apa upasṛjati // (4.1) Par.?
āpo vai śāntāḥ // (5.1) Par.?
śāntābhir evāsya śucaṃ śamayati // (6.1) Par.?
tisṛbhir upasṛjati // (7.1) Par.?
trivṛd vā agniḥ // (8.1) Par.?
yāvān evāgnis tasya śucaṃ śamayati // (9.1) Par.?
mitraḥ saṃsṛjya pṛthivīm iti āha // (10.1) Par.?
mitro vai śivo devānām // (11.1) Par.?
tenaivainaṃ saṃsṛjati // (12.1) Par.?
śāntyai // (13.1) Par.?
yad grāmyāṇām pātrāṇāṃ kapālaiḥ saṃsṛjed grāmyāṇi pātrāṇi śucārpayet // (14.1) Par.?
armakapālaiḥ saṃsṛjati // (15.1) Par.?
etāni vā anupajīvanīyāni // (16.1) Par.?
tāny eva śucārpayati // (17.1) Par.?
śarkarābhiḥ saṃsṛjati // (18.1) Par.?
dhṛtyai // (19.1) Par.?
atho śaṃtvāya // (20.1) Par.?
ajalomaiḥ saṃsṛjati // (21.1) Par.?
eṣā vā agneḥ priyā tanūr yad ajā // (22.1) Par.?
priyayaivainaṃ tanuvā saṃsṛjati // (23.1) Par.?
atho tejasā // (24.1) Par.?
kṛṣṇājinasya lomabhiḥ saṃsṛjati // (25.1) Par.?
yajño vai kṛṣṇājinam // (26.1) Par.?
yajñenaiva yajñaṃ saṃsṛjati // (27.1) Par.?
rudrāḥ saṃbhṛtya pṛthivīm iti // (28.1) Par.?
āha // (29.1) Par.?
etā vā etaṃ devatā agre samabharan // (30.1) Par.?
tābhir evainaṃ saṃbharati // (31.1) Par.?
makhasya śiro 'sīti āha // (32.1) Par.?
yajño vai makhaḥ // (33.1) Par.?
tasyaitac chiro yad ukhā // (34.1) Par.?
tasmād evam āha // (35.1) Par.?
yajñasya pade stha iti āha // (36.1) Par.?
yajñasya hy ete pade // (37.1) Par.?
atho pratiṣṭhityai // (38.1) Par.?
prānyābhir yacchati anv anyair mantrayate // (39.1) Par.?
mithunatvāya // (40.1) Par.?
tryuddhiṃ karoti // (41.1) Par.?
traya ime lokāḥ // (42.1) Par.?
eṣāṃ lokānām āptyai // (43.1) Par.?
chandobhiḥ karoti // (44.1) Par.?
vīryaṃ vai chandāṃsi // (45.1) Par.?
vīryeṇaivaināṃ karoti // (46.1) Par.?
yajuṣā bilaṃ karoti // (47.1) Par.?
vyāvṛttyai // (48.1) Par.?
iyatīṃ karoti // (49.1) Par.?
prajāpatinā yajñamukhena saṃmitām // (50.1) Par.?
dvistanāṃ karoti // (51.1) Par.?
dyāvāpṛthivyor dohāya // (52.1) Par.?
catustanāṃ karoti // (53.1) Par.?
paśūnāṃ dohāya // (54.1) Par.?
aṣṭāstanāṃ karoti // (55.1) Par.?
chandasāṃ dohāya // (56.1) Par.?
navāśrim abhicarataḥ kuryāt // (57.1) Par.?
trivṛtam eva vajraṃ saṃbhṛtya bhrātṛvyāya praharati // (58.1) Par.?
stṛtyai // (59.1) Par.?
kṛtvāya sā mahīm ukhām iti nidadhāti // (60.1) Par.?
devatāsv evainām pratiṣṭhāpayati // (61.1) Par.?
Duration=0.14847588539124 secs.