Texts

Help

Select a text:
Bibliography
Select a chapter:
 (no revisions)
Associated topic(s): agnyādhāna, agnyādheya

Show parallels  Show headlines
Use dependency labeler
Chapter id: 15263
  • Click on a sentence to show its analysis
  • Keep the mouse pointer over a lemma to show its meanings.
ṣaḍbhir dīkṣayati // (1.1) Par.?
ṣaḍ vā ṛtavaḥ // (2.1) Par.?
ṛtubhir evainaṃ dīkṣayati // (3.1) Par.?
saptabhir dīkṣayati // (4.1) Par.?
sapta chandāṃsi // (5.1) Par.?
chandobhir evainaṃ dīkṣayati // (6.1) Par.?
viśve devasya netur iti anuṣṭubhottamayā juhoti // (7.1) Par.?
vāg vā anuṣṭup // (8.1) Par.?
tasmāt prāṇānāṃ vāg uttamā // (9.1) Par.?
ekasmād akṣarād anāptam prathamam padam // (10.1) Par.?
tasmād yad vāco 'nāptaṃ tan manuṣyā upajīvanti // (11.1) Par.?
pūrṇayā juhoti // (12.1) Par.?
pūrṇa iva hi prajāpatiḥ // (13.1) Par.?
prajāpater āptyai // (14.1) Par.?
nyūnayā juhoti // (15.1) Par.?
nyūnāddhi prajāpatiḥ prajā asṛjata // (16.1) Par.?
prajānāṃ sṛṣṭyai // (17.1) Par.?
yad arciṣi pravṛñjyād bhūtam avarundhīta // (18.1) Par.?
yad aṅgāreṣu bhaviṣyat // (19.1) Par.?
aṅgāreṣu pravṛṇakti // (20.1) Par.?
bhaviṣyad evāvarunddhe // (21.1) Par.?
bhaviṣyaddhi bhūyo bhūtāt // (22.1) Par.?
dvābhyām pravṛṇakti // (23.1) Par.?
dvipād yajamānaḥ // (24.1) Par.?
pratiṣṭhityai // (25.1) Par.?
brahmaṇā vā eṣā yajuṣā saṃbhṛtā yad ukhā // (26.1) Par.?
sā yad bhidyetārtim ārchet yajamāno hanyetāsya yajñaḥ // (27.1) Par.?
mitraitām ukhāṃ tapeti āha // (28.1) Par.?
brahma vai mitraḥ // (29.1) Par.?
brahmann evainām pratiṣṭhāpayati // (30.1) Par.?
nārtim ārcchati yajamāno nāsya yajño hanyate // (31.1) Par.?
yadi bhidyeta tair eva kapālaiḥ saṃsṛjet // (32.1) Par.?
saiva tataḥ prāyaścittiḥ // (33.1) Par.?
yo gataśrīḥ syān mathitvā tasyāvadadhyāt // (34.1) Par.?
bhūto vā eṣa // (35.1) Par.?
sa svāṃ devatām upaiti // (36.1) Par.?
yo bhūtikāmaḥ syād ya ukhāyai sambhavet sa eva tasya syāt // (37.1) Par.?
ato hy eṣa sambhavati // (38.1) Par.?
eṣa vai svayambhūr nāma // (39.1) Par.?
bhavaty eva // (40.1) Par.?
yaṃ kāmayeta bhrātṛvyam asmai janayeyam ity anyatas tasyāhṛtyāvadadhyāt // (41.1) Par.?
sākṣād evāsmai bhrātṛvyaṃ janayati // (42.1) Par.?
ambarīṣād annakāmasyāvadadhyāt // (43.1) Par.?
ambarīṣe vā annam bhriyate // (44.1) Par.?
sayony evānnam avarunddhe // (45.1) Par.?
muñjān avadadhāti // (46.1) Par.?
ūrg vai muñjāḥ // (47.1) Par.?
ūrjam evāsmā apidadhāti // (48.1) Par.?
agnir devebhyo nilāyata // (49.1) Par.?
sa krumukam prāviśat // (50.1) Par.?
krumukam avadadhāti // (51.1) Par.?
yad evāsya tatra nyaktaṃ tad evāvarunddhe // (52.1) Par.?
ājyena saṃyauti // (53.1) Par.?
etad vā agneḥ priyaṃ dhāma yad ājyam // (54.1) Par.?
priyeṇaivainaṃ dhāmnā samardhayaty atho tejasā // (55.1) Par.?
vaikaṃkatīm ādadhāti // (56.1) Par.?
bhā evāvarunddhe // (57.1) Par.?
śamīmayīm ādadhāti // (58.1) Par.?
śāntyai // (59.1) Par.?
sīda tvam mātur asyā upastha iti tisṛbhir jātam upatiṣṭhate // (60.1) Par.?
traya ime lokāḥ // (61.1) Par.?
eṣv eva lokeṣv āvidaṃ gacchati // (62.1) Par.?
atho prāṇān evātman dhatte // (63.1) Par.?
Duration=0.21323084831238 secs.