Texts

Help

Select a text:
Bibliography
Select a chapter:
 (no revisions)
Associated topic(s): death rites, funeral rites, aurdhvadehika, pitṛmedha, pretakārya, rituals for the dead, funeral rites

Show parallels  Show headlines
Use dependency labeler
Chapter id: 14216
  • Click on a sentence to show its analysis
  • Keep the mouse pointer over a lemma to show its meanings.
jīvataḥ karmāṇi // (1) Par.?
visamāpte ced abhipreyān maraṇāntam ekāheṣu nāsti tasya samāpanam // (2) Par.?
āhavanīye sarvāṇi havīṃṣy anuprahṛtya // (3) Par.?
saṃhārya romanakhāni pretasya // (4) Par.?
āplutya alaṃkṛtya // (5) Par.?
dakṣiṇasyāṃ diśi dakṣiṇāpravaṇe deśe dakṣiṇaprākpravaṇe vā // (6) Par.?
apeta vīteti palāśaśākhayā vimṛjya // (7) Par.?
sphyenonmṛjyābhyukṣya // (8) Par.?
prāgdakṣiṇācīṃ citim kṛtvā // (9) Par.?
purastād āhavanīyaṃ paścān nidhāya gārhapatyaṃ dakṣiṇato dakṣiṇāgnim // (10) Par.?
antareṇa gārhapatyaṃ dakṣiṇāgniṃ ca hṛtvā // (11) Par.?
uttānaṃ citau nipātya // (12) Par.?
dakṣiṇataḥ paścād vā gām anustaraṇīm ajāṃ vā rohiṇīṃ dakṣiṇāmukhīṃ probhya // (13) Par.?
jīvantyāḥ saṃjñaptāyā vā vṛkkau pṛṣṭhata uddhṛtya // (14) Par.?
anvāhāryapacane kavoṣṇau kṛtvāti dravetyṛgbhyāṃ pāṇyor ādhāya // (15) Par.?
prāṇāyataneṣu hiraṇyaśakalān kṛtvā // (16) Par.?
agner varmeti vapayā mukhaṃ pracchādya // (17) Par.?
dakṣiṇe pāṇau juhūm // (18) Par.?
upabhṛtaṃ savye // (19) Par.?
dhruvām urasi // (20) Par.?
agnihotrahavaṇīm kaṇṭhe // (21) Par.?
sruvau nāsikayoḥ // (22) Par.?
prāśitraharaṇaṃ dakṣiṇe karṇe // (23) Par.?
praṇītāpraṇayanaṃ savye // (24) Par.?
śirasi kapālāni // (25) Par.?
apsu grāvāṇaḥ // (26) Par.?
udare samavattadhānīm // (27) Par.?
pārśvayoḥ pātryau // (28) Par.?
sphyaṃ dakṣiṇe pārśve // (29) Par.?
kṛṣṇājinaṃ savye // (30) Par.?
upasthe 'raṇī // (31) Par.?
ūrvor aṣṭhīvatoś colūkhalamusale // (32) Par.?
pādayoḥ śūrpaśakaṭe // (33) Par.?
patto 'gnihotrapātrāṇi // (34) Par.?
tāni ghṛtena pṛṣadājyena ca pūrayitvā // (35) Par.?
ayaṃ vai tvat tvam asmād ayaṃ te yonis tvam asya yoniḥ / (36.1) Par.?
jātavedo vahasva enaṃ sukṛtāṃ yatra lokaḥ / (36.2) Par.?
ayaṃ vai tvām ajanayad ayaṃ tvad adhijāyatām asau svāhety upohanty agnibhiḥ // (36.3) Par.?
Duration=0.12568306922913 secs.