Texts

Help

Select a text:
Bibliography
Select a chapter:
 (no revisions)
Associated topic(s): agnyādhāna, agnyādheya

Show parallels  Show headlines
Use dependency labeler
Chapter id: 15393
  • Click on a sentence to show its analysis
  • Keep the mouse pointer over a lemma to show its meanings.
devāsurāḥ saṃyattā āsan // (1) Par.?
kanīyāṃso devā āsan bhūyāṃso 'surāḥ // (2) Par.?
te devā etā iṣṭakā apaśyan // (3) Par.?
tā upādadhata // (4) Par.?
bhūyaskṛd asīty eva bhūyāṃso 'bhavan vanaspatibhir oṣadhībhiḥ // (5) Par.?
varivaskṛd asītīmām ajayan // (6) Par.?
prācy asīti prācīṃ diśam ajayan // (7) Par.?
ūrdhvāsīty amūm ajayan // (8) Par.?
antarikṣasad asi // (9) Par.?
antarikṣe sīdeti // (10) Par.?
antarikṣam ajayan // (11) Par.?
tato devā abhavan parāsurāḥ // (12) Par.?
yasyaitā upadhīyante bhūyān eva bhavati // (13) Par.?
abhīmāṃ lokāñ jayati // (14) Par.?
bhavaty ātmanā // (15) Par.?
parāsya bhrātṛvyo bhavati // (16) Par.?
apsuṣad asi // (17) Par.?
śyenasad asīty āha // (18) Par.?
etad vā agne rūpam // (19) Par.?
rūpeṇaivāgnim avarunddhe // (20) Par.?
pṛthivyās tvā draviṇe sādayāmīty āha // (21) Par.?
imān evaitābhir lokān draviṇāvataḥ kurute // (22) Par.?
āyuṣyā upadadhāti // (23) Par.?
āyur evāsmin dadhāti // (24) Par.?
agne yat te paraṃ hṛn nāmety āha // (25) Par.?
etad vā agneḥ priyaṃ dhāma // (26) Par.?
priyam evāsya dhāmopāpnoti // (27) Par.?
tāv ehi // (28) Par.?
saṃrabhāvahā ity āha // (29) Par.?
vy evainena paridhatte // (30) Par.?
pāñcajanyeṣv apy edhy agna ity āha // (31) Par.?
eṣa vā agniḥ pāñcajanyo yaḥ pañcacitīkaḥ // (32) Par.?
tasmād evam āha // (33) Par.?
ṛtavyā upadadhāti // (34) Par.?
etad vā ṛtūnām priyaṃ dhāma yad ṛtavyāḥ // (35) Par.?
ṛtūnām eva priyaṃ dhāmāvarunddhe // (36) Par.?
sumeka ity āha // (37) Par.?
saṃvatsaro vai sumekaḥ // (38) Par.?
saṃvatsarasyaiva priyaṃ dhāmopāpnoti // (39) Par.?
Duration=0.062396049499512 secs.