Texts

Help

Select a text:
Bibliography

Select a chapter:
(no revisions)

Associated topic(s): reaching svarga

Show parallels Show headlines
Use dependency labeler

Chapter id: 13453

Click on a sentence to show its analysis
Keep the mouse pointer over a lemma to show its meanings.

tā brahmābruvan tvayi pratiṣṭhāyaitam udyacchāmeti / (1.1) Par.?

tā brahmābravīd āsyena prāṇena yuṣmān āsyena prāṇena mām upāpnavātheti // (1.2) Par.?

tā etena prāṇenaukāreṇa vācy akāram abhinimeṣyantyo hiṅkārād bhakāram okāreṇa vācam anusvarantya ubhābhyām prāṇābhyāṃ gāyatram agāyann ovā3c ovā3c ovā3c hum bhā vo vā iti // (2.1) Par.?

sa yathobhayāpadī pratitiṣṭhaty evam eva svarge loke pratyatiṣṭhan / (3.1) Par.?

prati svarge loke tiṣṭhati ya evaṃ veda // (3.2) Par.?

ya u ha vā evaṃvid asmāl lokāt praiti sa prāṇa eva bhūtvā vāyum apyeti vāyor adhy abhrāṇy abhrebhyo 'dhi vṛṣṭiṃ vṛṣṭyaivemaṃ lokam anuvibhavati // (4.1) Par.?

ṛṣayo ha sattram āsāṃcakrire / (5.1) Par.?

te punaḥ punar bahvībhir bahvībhiḥ pratipadbhiḥ svargasya lokasya dvāraṃ nānu cana bubudhire // (5.2) Par.?

ta u śrameṇa tapasā vratacaryeṇendram avarurudhire // (6.1) Par.?

taṃ hocuḥ svargaṃ vai lokam aipsiṣma / (7.1) Par.?

te punaḥ punar bahvībhir bahvībhiḥ pratipadbhiḥ svargasya lokasya dvāraṃ nānu canābhutsmahi / (7.2) Par.?

tathā no 'nuśādhi yathā svargasya lokasya dvāram anuprajñāyānārtāḥ svasti saṃvatsarasyodṛcaṃ gatvā svargaṃ lokam iyāmeti // (7.3) Par.?

tān hovāca ko vaḥ sthaviratama iti // (8.1) Par.?

Duration=0.040725231170654 secs.