Texts

Help

Select a text:
Bibliography
Select a chapter:
 (no revisions)
Associated topic(s): agnyādhāna, agnyādheya

Show parallels  Show headlines
Use dependency labeler
Chapter id: 15408
  • Click on a sentence to show its analysis
  • Keep the mouse pointer over a lemma to show its meanings.
rudro vā eṣa yad agniḥ // (1) Par.?
sa etarhi jāto yarhi sarvaś citaḥ // (2) Par.?
sa yathā vatso jāta stanam prepsaty evaṃ vā eṣa etarhi bhāgadheyam prepsati // (3) Par.?
tasmai yad āhutiṃ na juhuyād adhvaryuṃ ca yajamānaṃ ca dhyāyet // (4) Par.?
śatarudrīyaṃ juhoti // (5) Par.?
bhāgadheyenaivainaṃ śamayati // (6) Par.?
nārtim ārcchaty adhvaryur na yajamānaḥ // (7) Par.?
yad grāmyāṇām paśūnām payasā juhuyād grāmyān paśūñchucārpayed yad āraṇyānām āraṇyān // (8) Par.?
jartilayavāgvā vā juhuyād gavīdhukayavāgvā vā // (9) Par.?
na grāmyān paśūn hinasti nāraṇyān // (10) Par.?
atho khalv āhur anāhutir vai jartilāś ca gavīdhukāś ceti // (11) Par.?
ajakṣīreṇa juhoti // (12) Par.?
āgneyī vā eṣā yad ajā // (13) Par.?
āhutyaiva juhoti // (14) Par.?
na grāmyān paśūn hinasti nāraṇyān // (15) Par.?
aṅgirasaḥ suvargaṃ lokaṃ yanto 'jāyāṃ gharmam prāsiñcan // (16) Par.?
sā śocantī parṇam parājihīta // (17) Par.?
so 'rko 'bhavat // (18) Par.?
tad arkasyārkatvam // (19) Par.?
arkaparṇena juhoti sayonitvāya // (20) Par.?
udaṅ tiṣṭhañ juhoti // (21) Par.?
eṣā vai rudrasya dik // (22) Par.?
svāyām eva diśi rudraṃ niravadayate // (23) Par.?
caramāyām iṣṭakāyāṃ juhoti // (24) Par.?
antata eva rudraṃ niravadayate // (25) Par.?
tredhāvibhaktaṃ juhoti // (26) Par.?
traya ime lokāḥ // (27) Par.?
imān eva lokānt samāvadvīryān karoti // (28) Par.?
iyaty agre juhoty atheyaty atheyati // (29) Par.?
traya ime lokāḥ // (30) Par.?
ebhya evainaṃ lokebhyaḥ śamayati // (31) Par.?
tisra uttarā āhutīr juhoti // (32) Par.?
ṣaṭ sampadyante // (33) Par.?
ṣaḍ vā ṛtavaḥ // (34) Par.?
ṛtubhir evainaṃ śamayati // (35) Par.?
yad anuparikrāmaṃ juhuyād antaravacāriṇaṃ rudraṃ kuryāt // (36) Par.?
atho khalv āhuḥ kasyāṃ vāha diśi rudraḥ kasyāṃ veti // (37) Par.?
anuparikrāmam eva hotavyam // (38) Par.?
aparivargam evainaṃ śamayati // (39) Par.?
etā vai devatāḥ suvargyā yā uttamāḥ // (40) Par.?
tā yajamānaṃ vācayati // (41) Par.?
tābhir evainaṃ suvargaṃ lokaṃ gamayati // (42) Par.?
yaṃ dviṣyāt tasya saṃcare paśūnāṃ nyasyet // (43) Par.?
yaḥ prathamaḥ paśur abhitiṣṭhati sa ārtim ārcchati // (44) Par.?
Duration=0.11745500564575 secs.