Texts

Help

Select a text:
Bibliography
Select a chapter:
 (no revisions)
Associated topic(s): agnyādhāna, agnyādheya

Show parallels  Show headlines
Use dependency labeler
Chapter id: 15409
  • Click on a sentence to show its analysis
  • Keep the mouse pointer over a lemma to show its meanings.
aśmann ūrjam iti pariṣiñcati // (1) Par.?
mārjayaty evainam // (2) Par.?
atho tarpayaty eva // (3) Par.?
sa enaṃ tṛpto 'kṣudhyann aśocann amuṣmiṃ loka upatiṣṭhate // (4) Par.?
tṛpyati prajayā paśubhir ya evaṃ veda // (5) Par.?
tāṃ na iṣam ūrjaṃ dhatta marutaḥ saṃrarāṇā ity āha // (6) Par.?
annaṃ vā ūrk // (7) Par.?
annam marutaḥ // (8) Par.?
annam evāvarunddhe // (9) Par.?
aśmaṃs te kṣud amuṃ te śug ṛcchatu yaṃ dviṣma ity āha // (10) Par.?
yam eva dveṣṭi tam asya kṣudhā ca śucā cārpayati // (11) Par.?
triḥ pariṣiñcan paryeti // (12) Par.?
trivṛd vā agniḥ // (13) Par.?
yāvān evāgnis tasya śucaṃ śamayati // (14) Par.?
triḥ punaḥ paryeti // (15) Par.?
ṣaṭ sampadyante // (16) Par.?
ṣaḍ vā ṛtavaḥ // (17) Par.?
ṛtubhir evāsya śucaṃ śamayati // (18) Par.?
apāṃ vā etat puṣpaṃ yad vetasaḥ // (19) Par.?
apāṃ śaro 'vakāḥ // (20) Par.?
vetasaśākhayā cāvakābhiś ca vikarṣati // (21) Par.?
āpo vai śāntāḥ // (22) Par.?
śāntābhir evāsya śucaṃ śamayati // (23) Par.?
yo vā agniṃ citam prathamaḥ paśur adhikrāmatīśvaro vai taṃ śucā pradahaḥ // (24) Par.?
maṇḍūkena vikarṣati // (25) Par.?
eṣa vai paśūnām anupajīvanīyaḥ // (26) Par.?
na vā eṣa grāmyeṣu paśuṣu hito nāraṇyeṣu // (27) Par.?
tam eva śucārpayati // (28) Par.?
aṣṭābhir vikarṣati // (29) Par.?
aṣṭākṣarā gāyatrī // (30) Par.?
gāyatro 'gniḥ // (31) Par.?
yāvān evāgnis tasya śucaṃ śamayati pāvakavatībhiḥ // (32) Par.?
annaṃ vai pāvakaḥ // (33) Par.?
annenaivāsya śucaṃ śamayati // (34) Par.?
mṛtyur vā eṣa yad agniḥ // (35) Par.?
brahmaṇa etad rūpaṃ yat kṛṣṇājinam // (36) Par.?
kārṣṇī upānahāv upamuñcate // (37) Par.?
brahmaṇaiva mṛtyor antardhatte // (38) Par.?
antar mṛtyor dhatte 'ntar annādyād ity āhuḥ // (39) Par.?
anyām upamuñcata anyāṃ na // (40) Par.?
antar eva mṛtyor dhatte 'vānnādyaṃ runddhe // (41) Par.?
namas te harase śociṣa ity āha // (42) Par.?
namaskṛtya hi vasīyāṃsam upacaranti // (43) Par.?
anyaṃ te asmat tapantu hetaya ity āha // (44) Par.?
yam eva dveṣṭi tam asya śucārpayati // (45) Par.?
pāvako asmabhyaṃ śivo bhavety āha // (46) Par.?
annaṃ vai pāvakaḥ // (47) Par.?
annam evāvarunddhe // (48) Par.?
dvābhyām adhikrāmati pratiṣṭhityai // (49) Par.?
apasyavatībhyāṃ śāntyai // (50) Par.?
Duration=0.10336709022522 secs.