Texts

Help

Select a text:
Bibliography
Select a chapter:
 (no revisions)
Associated topic(s): agnyādhāna, agnyādheya

Show parallels  Show headlines
Use dependency labeler
Chapter id: 15424
  • Click on a sentence to show its analysis
  • Keep the mouse pointer over a lemma to show its meanings.
ud enam uttarāṃ nayeti samidha ādadhāti // (1) Par.?
yathā janaṃ yate 'vasaṃ karoti tādṛg eva tat // (2) Par.?
tisra ādadhāti // (3) Par.?
trivṛd vā agniḥ // (4) Par.?
yāvān evāgnis tasmai bhāgadheyaṃ karoti // (5) Par.?
audumbarīr bhavanti // (6) Par.?
ūrg vā udumbaraḥ // (7) Par.?
ūrjam evāsmā apidadhāti // (8) Par.?
ud u tvā viśve devā ity āha // (9) Par.?
prāṇā vai viśve devāḥ // (10) Par.?
prāṇair evainam udyacchate // (11) Par.?
agne bharantu cittibhir ity āha // (12) Par.?
yasmā evainaṃ cittāyodyacchate tenaivainaṃ samardhayati // (13) Par.?
pañca diśo daivīr yajñam avantu devīr ity āha // (14) Par.?
diśo hy eṣo 'nupracyavate // (15) Par.?
apāmatiṃ durmatim bādhamānā ity āha // (16) Par.?
rakṣasām apahatyai // (17) Par.?
rāyaspoṣe yajñapatim ābhajantīr ity āha // (18) Par.?
paśavo vai rāyaspoṣaḥ // (19) Par.?
paśūn evāvarunddhe // (20) Par.?
ṣaḍbhir harati // (21) Par.?
ṣaḍ vā ṛtavaḥ // (22) Par.?
ṛtubhir evainaṃ harati // (23) Par.?
dve parigṛhyavatī bhavataḥ // (24) Par.?
rakṣasām apahatyai // (25) Par.?
sūryaraśmir harikeśaḥ purastād ity āha // (26) Par.?
prasūtyai // (27) Par.?
tataḥ pāvakā āśiṣo no juṣantām ity āha // (28) Par.?
annaṃ vai pāvakaḥ // (29) Par.?
annam evāvarunddhe // (30) Par.?
devāsurāḥ saṃyattā āsan // (31) Par.?
te devā etad apratiratham apaśyan // (32) Par.?
tenaiva te 'praty asurān ajayan // (33) Par.?
tad apratirathasyāpratirathatvam // (34) Par.?
yad apratirathaṃ dvitīyo hotānvāhāpraty eva tena yajamāno bhrātṛvyāñ jayati // (35) Par.?
atho anabhijitam evābhijayati // (36) Par.?
daśarcam bhavati // (37) Par.?
daśākṣarā virāṭ // (38) Par.?
virājemau lokau vidhṛtau // (39) Par.?
anayor lokayor vidhṛtyai // (40) Par.?
atho daśākṣarā virāṭ // (41) Par.?
annaṃ virāṭ // (42) Par.?
virājy evānnādye pratitiṣṭhati // (43) Par.?
asad iva vā antarikṣam // (44) Par.?
antarikṣam ivāgnīdhram // (45) Par.?
āgnīdhre 'śmānaṃ nidadhāti sattvāya // (46) Par.?
dvābhyāṃ pratiṣṭhityai // (47) Par.?
vimāna eṣa divo madhya āsta ity āha // (48) Par.?
vy evaitayā mimīte // (49) Par.?
madhye divo nihitaḥ pṛśnir aśmety āha // (50) Par.?
annaṃ vai pṛśni // (51) Par.?
annam evāvarunddhe // (52) Par.?
catasṛbhir ā pucchād eti // (53) Par.?
catvāri chandāṃsi // (54) Par.?
chandobhir eva // (55) Par.?
indraṃ viśvā avīvṛdhann ity āha // (56) Par.?
vṛddhim evopāvartate // (57) Par.?
vājānāṃ satpatim patim ity āha // (58) Par.?
annaṃ vai vājaḥ // (59) Par.?
annam evāvarunddhe // (60) Par.?
sumnahūr yajño devāṁ ā ca vakṣad ity āha // (61) Par.?
prajā vai paśavaḥ sumnam // (62) Par.?
prajām eva paśūn ātman dhatte // (63) Par.?
yakṣad agnir devo devāṁ ā ca vakṣad ity āha // (64) Par.?
svagākṛtyai // (65) Par.?
vājasya mā prasavenodgrābheṇodagrabhīd ity āha // (66) Par.?
asau vā āditya udyann udgrābha eṣa nimrocan nigrābhaḥ // (67) Par.?
brahmaṇaivātmānam udgṛhṇāti brahmaṇā bhrātṛvyaṃ nigṛhṇāti // (68) Par.?
Duration=0.092311143875122 secs.