Texts

dhruvā asmin gopatau syāt bahvīḥ iti yajamānasya gṛhān abhiparyāvartate // (1) Par.?

agniṣṭhe 'nasy agnyagāre vā purastātpratīcīṃ śākhām upagūhati yajamānasya paśūn pāhi iti // (2) Par.?

paścātprācīm ity ekeṣām // (3) Par.?

yo vā adhvaryor gṛhān veda gṛhavān bhavati / (4.1) Par.?

ā caturthāt karmaṇo 'bhisamīkṣeta idaṃ kariṣyāmīdaṃ kariṣyāmīti / (4.2) Par.?

ete vā adhvaryor gṛhāḥ / (4.3) Par.?

ya evaṃ veda gṛhavān bhavatīti vijñāyate // (4.4) Par.?

sāvitreṇāśvaparśum anaḍutparśum asidaṃ vādāya gārhapatyam abhimantrayate yajñasya ghoṣad asi iti // (5) Par.?

pratyuṣṭaṃ rakṣaḥ pratyuṣṭā arātayaḥ ity āhavanīye dātraṃ pratitapati // (6) Par.?

preyam agād dhiṣaṇā barhir accha iti prāṅ vodaṅ vābhipravrajya yataḥ kutaś ca darbhamayaṃ barhir āharati // (7) Par.?

viṣṇo stūpo 'si iti prathamaṃ stambam utsṛjati // (8) Par.?

dvitīyaṃ pariṣauti devānāṃ pariṣūtam asi varṣavṛddham asi iti // (9) Par.?

tasya dve tisro vā nāḍīr utsṛjati avaśiṣṭo gavāṃ bhāgaḥ iti // (10) Par.?

stambam ārabhate devasya tvā savituḥ prasave 'śvinor bāhubhyāṃ pūṣṇo hastābhyāṃ barhir devasadanam ārabhe iti // (11) Par.?

parvaṇi dāti devabarhir mā tvānvaṅ mā tiryak parva te rādhyāsam āchettā te mā riṣam iti // (12) Par.?

saṃnakhaṃ muṣṭiṃ lunoti // (13) Par.?

sa prastaro bhavati // (14) Par.?

kulmimātra ity ekeṣām // (15) Par.?

ūrvasthimātra ity ekeṣām // (16) Par.?

srugdaṇḍamātra ity ekeṣām // (17) Par.?

aparimita ity ekeṣām // (18) Par.?

evam evāyujo muṣṭīṃllunoti // (19) Par.?

yad anyat pariṣavaṇād utsarjanād iti sarvaṃ tat karoti // (20) Par.?

prastaro yuktam ity ekeṣām ayuktam ity ekeṣām // (21) Par.?

ayuñji nidhanāni lunotīty ekeṣām // (22) Par.?