Texts

Help

Select a text:
Bibliography
Select a chapter:
 (no revisions)
Associated topic(s): agnyādhāna, agnyādheya

Show parallels  Show headlines
Use dependency labeler
Chapter id: 15444
  • Click on a sentence to show its analysis
  • Keep the mouse pointer over a lemma to show its meanings.
vasor dhārāṃ juhoti // (1) Par.?
vasor me dhārāsad iti vā eṣā hūyate // (2) Par.?
ghṛtasya vā enam eṣā dhārāmuṣmiṃ loke pinvamānopatiṣṭhate // (3) Par.?
ājyena juhoti // (4) Par.?
tejo vā ājyam // (5) Par.?
tejo vasor dhārā // (6) Par.?
tejasaivāsmai tejo 'varunddhe // (7) Par.?
atho kāmā vai vasor dhārā // (8) Par.?
kāmān evāvarunddhe // (9) Par.?
yaṃ kāmayeta prāṇān asyānnādyaṃ vicchindyām iti vigrāhaṃ tasya juhuyāt // (10) Par.?
prāṇān evāsyānnādyaṃ vicchinatti // (11) Par.?
yaṃ kāmayeta prāṇān asyānnādyaṃ saṃtanuyām iti saṃtatāṃ tasya juhuyāt // (12) Par.?
prāṇān evāsyānnādyaṃ saṃtanoti // (13) Par.?
dvādaśa dvādaśāni juhoti // (14) Par.?
dvādaśa māsāḥ saṃvatsaraḥ // (15) Par.?
saṃvatsareṇaivāsmā annam avarunddhe // (16) Par.?
annaṃ ca me 'kṣuc ca ma ity āha // (17) Par.?
etad vā annasya rūpam // (18) Par.?
rūpeṇaivānnam avarunddhe // (19) Par.?
agniś ca ma āpaś ca ma ity āha // (20) Par.?
eṣā vā annasya yoniḥ // (21) Par.?
sayony evānnam avarunddhe // (22) Par.?
ardhendrāṇi juhoti // (23) Par.?
devatā evāvarunddhe // (24) Par.?
yat sarveṣām ardham indraḥ prati tasmād indro devatānām bhūyiṣṭhabhāktamaḥ // (25) Par.?
indram uttaram āha // (26) Par.?
indriyam evāsminn upariṣṭād dadhāti // (27) Par.?
yajñāyudhāni juhoti // (28) Par.?
yajño vai yajñāyudhāni // (29) Par.?
yajñam evāvarunddhe // (30) Par.?
atho etad vai yajñasya rūpam // (31) Par.?
rūpeṇaiva yajñam avarunddhe // (32) Par.?
avabhṛthaś ca me svagākāraś ca ma ity āha svagākṛtyai // (33) Par.?
agniś ca me gharmaś ca ma ity āha // (34) Par.?
etad vai brahmavarcasasya rūpam // (35) Par.?
rūpenaiva brahmavarcasam avarunddhe // (36) Par.?
ṛk ca me sāma ca ma ity āha // (37) Par.?
etad vai chandasāṃ rūpam // (38) Par.?
rūpeṇaiva chandāṃsy avarunddhe // (39) Par.?
garbhāś ca me vatsāś ca ma ity āha // (40) Par.?
etad vai paśūnāṃ rūpam // (41) Par.?
rūpeṇaiva paśūn avarunddhe // (42) Par.?
kalpāñ juhoty akᄆptasya kᄆptyai // (43) Par.?
yugmadayuje juhoti mithunatvāya // (44) Par.?
uttarāvatī bhavato 'bhikrāntyai // (45) Par.?
ekā ca me tisraś ca ma ity āha // (46) Par.?
devacchandasaṃ vā ekā ca tisraś ca // (47) Par.?
manuṣyacchandasaṃ catasraś cāṣṭau ca // (48) Par.?
devacchandasaṃ caiva manuṣyacchandasaṃ cāvarunddhe // (49) Par.?
ā trayastriṃśato juhoti // (50) Par.?
trayastriṃśad vai devatāḥ // (51) Par.?
devatā evāvarunddhe // (52) Par.?
āṣṭācatvāriṃśato juhoti // (53) Par.?
aṣṭācatvāriṃśadakṣarā jagatī // (54) Par.?
jāgatāḥ paśavaḥ // (55) Par.?
jagatyaivāsmai paśūn avarunddhe // (56) Par.?
vājaś ca prasavaś ceti dvādaśaṃ juhoti // (57) Par.?
dvādaśa māsāḥ saṃvatsaraḥ // (58) Par.?
saṃvatsara eva pratitiṣṭhati // (59) Par.?
Duration=0.12233996391296 secs.