Texts

Help

Select a text:
Bibliography
Select a chapter:
 (no revisions)
Associated topic(s): agnyādhāna, agnyādheya

Show parallels  Show headlines
Use dependency labeler
Chapter id: 15553
  • Click on a sentence to show its analysis
  • Keep the mouse pointer over a lemma to show its meanings.
agna āyāhi vītaya ity āha // (1) Par.?
āhvataivainam // (2) Par.?
agniṃ dūtaṃ vṛṇīmaha ity āha // (3) Par.?
hutvaivainaṃ vṛṇīte // (4) Par.?
agnināgniḥ samidhyata ity āha // (5) Par.?
saminddha evainam // (6) Par.?
agnir vṛtrāṇi jaṅghanad ity āha // (7) Par.?
samiddha evāsminn indriyaṃ dadhāti // (8) Par.?
agne stomam manāmaha ity āha // (9) Par.?
manuta evainam // (10) Par.?
etāni vā ahnāṃ rūpāṇi // (11) Par.?
anvaham evainaṃ cinute // (12) Par.?
avāhnāṃ rūpāṇi runddhe // (13) Par.?
brahmavādino vadanti // (14) Par.?
kasmāt satyād yātayāmnīr anyā iṣṭakā ayātayāmnī lokampṛṇeti // (15) Par.?
aindrāgnī hi bārhaspatyeti brūyāt // (16) Par.?
indrāgnī ca hi devānām bṛhaspatiś cāyātayāmānaḥ // (17) Par.?
anucaravatī bhavaty ajāmitvāya // (18) Par.?
anuṣṭubhānucarati // (19) Par.?
ātmā vai lokampṛṇā // (20) Par.?
prāṇo 'nuṣṭup // (21) Par.?
tasmāt prāṇaḥ sarvāṇy aṅgāny anucarati // (22) Par.?
tā asya sūdadohasa ity āha // (23) Par.?
tasmāt paruṣi paruṣi rasaḥ // (24) Par.?
somaṃ śrīṇanti pṛśnaya ity āha // (25) Par.?
annaṃ vai pṛśni // (26) Par.?
annam evāvarunddhe // (27) Par.?
arko vā agniḥ // (28) Par.?
arko 'nnam // (29) Par.?
annam evāvarunddhe // (30) Par.?
janman devānāṃ viśas triṣv ā rocane diva ity āha // (31) Par.?
imān evāsmai lokāñ jyotiṣmataḥ karoti // (32) Par.?
yo vā iṣṭakānām pratiṣṭhāṃ veda praty eva tiṣṭhati // (33) Par.?
tayā devatayāṅgirasvad dhruvā sīdety āha // (34) Par.?
eṣā vā iṣṭakānām pratiṣṭhā // (35) Par.?
ya evaṃ veda praty eva tiṣṭhati // (36) Par.?
Duration=0.061253070831299 secs.