Texts

Help

Select a text:
Bibliography
Select a chapter:
 (no revisions)
Associated topic(s): Soma sacrifice, somakraya, buying Soma

Show parallels  Show headlines
Use dependency labeler
Chapter id: 15617
  • Click on a sentence to show its analysis
  • Keep the mouse pointer over a lemma to show its meanings.
yat kalayā te śaphena te krīṇānīti paṇetāgoarghaṃ somaṃ kuryād agoarghaṃ yajamānam agoargham adhvaryum // (1) Par.?
gos tu mahimānaṃ nāvatiret // (2) Par.?
gavā te krīṇānīty eva brūyāt // (3) Par.?
goargham eva somaṃ karoti goarghaṃ yajamānaṃ goargham adhvaryum // (4) Par.?
na gor mahimānam avatirati // (5) Par.?
ajayā krīṇāti // (6) Par.?
satapasam evainaṃ krīṇāti // (7) Par.?
hiraṇyena krīṇāti // (8) Par.?
saśukram evainaṃ krīṇāti // (9) Par.?
dhenvā krīṇāti // (10) Par.?
sāśiram evainaṃ krīṇāti // (11) Par.?
ṛṣabheṇa krīṇāti // (12) Par.?
sendram evainaṃ krīṇāti // (13) Par.?
anaḍuhā krīṇāti // (14) Par.?
vahnir vā anaḍvān // (15) Par.?
vahninaiva vahni yajñasya krīṇāti // (16) Par.?
mithunābhyāṃ krīṇāti mithunasyāvaruddhyai // (17) Par.?
vāsasā krīṇāti // (18) Par.?
sarvadevatyaṃ vai vāsaḥ // (19) Par.?
sarvābhya evainaṃ devatābhyaḥ krīṇāti // (20) Par.?
daśa sampadyante // (21) Par.?
daśākṣarā virāṭ // (22) Par.?
annaṃ virāṭ // (23) Par.?
virājaivānnādyam avarunddhe // (24) Par.?
tapasas tanūr asi prajāpater varṇa ity āha // (25) Par.?
paśubhya eva tad adhvaryur nihnuta ātmano 'nāvraskāya // (26) Par.?
gacchati śriyam pra paśūn āpnoti ya evaṃ veda // (27) Par.?
śukraṃ te śukreṇa krīṇāmīty āha // (28) Par.?
yathāyajur evaitat // (29) Par.?
devā vai yena hiraṇyena somam akrīṇan tat abhīṣahā punar ādadata // (30) Par.?
ko hi tejasā vikreṣyata iti // (31) Par.?
yena hiraṇyena somaṃ krīṇīyāt tad abhīṣahā punar ādadīta // (32) Par.?
teja evātman dhatte // (33) Par.?
asme jyotiḥ somavikrayiṇi tama ity āha // (34) Par.?
jyotir eva yajamāne dadhāti // (35) Par.?
tamasā somavikrayiṇam arpayati // (36) Par.?
yad anupagrathya hanyād dandaśūkās tāṃ samāṃ sarpāḥ syuḥ // (37) Par.?
idam ahaṃ sarpāṇāṃ dandaśūkānāṃ grīvā upagrathnāmīty āha // (38) Par.?
adandaśūkās tāṃ samāṃ sarpā bhavanti // (39) Par.?
tamasā somavikrayiṇaṃ vidhyati // (40) Par.?
svāna bhrājety āha // (41) Par.?
ete vā amuṣmiṃ loke somam arakṣan // (42) Par.?
tebhyo 'dhi somam āharan // (43) Par.?
yad etebhyaḥ somakrayaṇān nānudiśed akrīto 'sya somaḥ syān nāsyaite 'muṣmiṃ loke somaṃ rakṣeyuḥ // (44) Par.?
yad etebhyaḥ somakrayaṇān anudiśati krīto 'sya somo bhavati // (45) Par.?
ete 'syāmuṣmiṃ loke somaṃ rakṣanti // (46) Par.?
Duration=0.081079006195068 secs.