Texts

Help

Select a text:
Bibliography
Select a chapter:
 (no revisions)
Associated topic(s): Soma sacrifice

Show parallels  Show headlines
Use dependency labeler
Chapter id: 15648
  • Click on a sentence to show its analysis
  • Keep the mouse pointer over a lemma to show its meanings.
teṣām asurāṇāṃ tisraḥ pura āsann ayasmayy avamātha rajatātha hariṇī // (1) Par.?
tā devā jetuṃ nāśaknuvan // (2) Par.?
tā upasadaivājigīṣan // (3) Par.?
tasmād āhur yaś caivaṃ veda yaś ca na upasadā vai mahāpuraṃ jayantīti // (4) Par.?
ta iṣuṃ samaskurvatāgnim anīkaṃ somaṃ śalyaṃ viṣṇuṃ tejanam // (5) Par.?
te 'bruvan ka imām asiṣyatīti // (6) Par.?
rudra ity abruvan rudro vai krūraḥ so 'syatv iti // (7) Par.?
so 'bravīt // (8) Par.?
varaṃ vṛṇai // (9) Par.?
aham eva paśūnām adhipatir asānīti // (10) Par.?
tasmād rudraḥ paśūnām adhipatiḥ // (11) Par.?
tāṃ rudro 'vāsṛjat // (12) Par.?
sa tisraḥ puro bhittvaibhyo lokebhyo 'surān prāṇudata // (13) Par.?
yad upasada upasadyante bhrātṛvyaparāṇuttyai // (14) Par.?
nānyām āhutim purastāj juhuyāt // (15) Par.?
yad anyām āhutim purastāj juhuyād anyan mukhaṃ kuryāt // (16) Par.?
sruvenāghāram āghārayati yajñasya prajñātyai // (17) Par.?
parāṅ atikramya juhoti // (18) Par.?
parāca evaibhyo lokebhyo yajamāno bhrātṛvyān praṇudate // (19) Par.?
punar atyākramyopasadaṃ juhoti // (20) Par.?
praṇudyaivaibhyo lokebhyo bhrātṛvyāñ jitvā bhrātṛvyalokam abhyārohati // (21) Par.?
devā vai yāḥ prātar upasada upāsīdann ahnas tābhir asurān prāṇudanta // (22) Par.?
yāḥ sāyaṃ rātriyai tābhiḥ // (23) Par.?
yat sāyam prātar upasada upasadyante ahorātrābhyām eva tad yajamāno bhrātṛvyān praṇudate // (24) Par.?
yāḥ prātaryājyāḥ syus tāḥ sāyam puronuvākyāḥ kuryād ayātayāmatvāya // (25) Par.?
tisra upasada upaiti // (26) Par.?
traya ime lokāḥ // (27) Par.?
imān eva lokān prīṇāti // (28) Par.?
ṣaṭ sampadyante // (29) Par.?
ṣaḍ vā ṛtavaḥ // (30) Par.?
ṛtūn eva prīṇāti // (31) Par.?
dvādaśāhīne soma upaiti // (32) Par.?
dvādaśa māsāḥ saṃvatsaraḥ // (33) Par.?
saṃvatsaram eva prīṇāti // (34) Par.?
caturviṃśatiḥ sampadyante // (35) Par.?
caturviṃśatir ardhamāsāḥ // (36) Par.?
ardhamāsān eva prīṇāti // (37) Par.?
ārāgrām avāntaradīkṣām upeyād yaḥ kāmayetāsmin me loke 'rdhukaṃ syād iti // (38) Par.?
ekam agre 'tha dvāv atha trīn atha catura eṣā vā ārāgrāvāntaradīkṣā // (39) Par.?
asminn evāsmai loke 'rdhukam bhavati // (40) Par.?
parovarīyasīm avāntaradīkṣām upeyād yaḥ kāmayetāmuṣmin me loke 'rdhukaṃ syād iti // (41) Par.?
caturo 'gre 'tha trīn atha dvāv athaikam eṣā vai parovarīyasy avāntaradīkṣā // (42) Par.?
amuṣminn evāsmai loke 'rdhukam bhavati // (43) Par.?
Duration=0.10677886009216 secs.