Texts

yathā kathā ca paraparigraham abhimanyate steno ha bhavatīti kautsahārītau tathā kaṇvapuṣkarasādī // (1) Par.?

santy apavādāḥ parigraheṣv iti vārṣyāyaṇiḥ // (2) Par.?

śamyoṣā yugyaghāso na svāminaḥ pratiṣedhayanti // (3) Par.?

ativyapahāro vyṛddho bhavati // (4) Par.?

sarvatrānumatipūrvam iti hārītaḥ // (5) Par.?

na patitam ācāryaṃ jñātiṃ vā darśanārtho gacchet // (6) Par.?

na cāsmād bhogān upayuñjīta // (7) Par.?

yadṛcchāsaṃnipāta upasaṃgṛhya tūṣṇīṃ vyativrajet // (8) Par.?

mātā putratvasya bhūyāṃsi karmāṇy ārabhate tasyāṃ śuśrūṣā nityā patitāyām api // (9) Par.?

na tu dharmasaṃnipātaḥ syāt // (10) Par.?

adharmāhṛtān bhogān anujñāya na vayaṃ cādharmaś cety abhivyāhṛtyādhonābhyuparijānv ācchādya triṣavaṇam udakam upaspṛśann akṣīrākṣārālavaṇaṃ bhuñjāno dvādaśa varṣāṇi nāgāraṃ praviśet // (11) Par.?

tataḥ siddhiḥ // (12) Par.?

atha saṃprayogaḥ syād āryaiḥ // (13) Par.?

etad evānyeṣām api patanīyānām // (14) Par.?

gurutalpagāmī tu suṣirāṃ sūrmiṃ praviśyobhayata ādīpyābhidahed ātmānam // (15) Par.?

mithyaitad iti hārītaḥ // (16) Par.?

yo hy ātmānaṃ paraṃ vābhimanyate 'bhiśasta eva sa bhavati // (17) Par.?

etenaiva vidhinottamād ucchvāsāc caret / (18.1) Par.?

nāsyāsmiṃlloke pratyāpattir vidyate / (18.2) Par.?

kalmaṣaṃ tu nirhaṇyate // (18.3) Par.?

dāravyatikramī kharājinaṃ bahirloma paridhāya dāravyatikramiṇe bhikṣām iti saptāgārāṇi caret / (19.1) Par.?

sā vṛttiḥ ṣaṇmāsān // (19.2) Par.?

striyās tu bhartṛvyatikrame kṛcchradvādaśarātrābhyāsas tāvantaṃ kālam // (20) Par.?

atha bhrūṇahā śvājinaṃ kharājinaṃ vā bahirloma paridhāya puruṣaśiraḥ pratīpānārtham ādāya // (21) Par.?