Texts

Help

Select a text:
Bibliography
Select a chapter:
 (no revisions)
Associated topic(s): penance, prāyaścitta, prāyaścitta

Show parallels  Show headlines
Use dependency labeler
Chapter id: 14770
  • Click on a sentence to show its analysis
  • Keep the mouse pointer over a lemma to show its meanings.
khaṭvāṅgam daṇḍārthe karmanāmadheyaṃ prabruvāṇaś caṅkramyeta ko bhrūṇaghne bhikṣām iti / (1.1) Par.?
grāme prāṇavṛttiṃ pratilabhya śūnyāgāraṃ vṛkṣamūlaṃ vābhyupāśrayen na hi ma āryaiḥ saṃprayogo vidyate / (1.2) Par.?
etenaiva vidhinottamād ucchvāsāc caret / (1.3) Par.?
nāsyāsmiṃlloke pratyāpattir vidyate / (1.4) Par.?
kalmaṣaṃ tu nirhaṇyate // (1.5) Par.?
yaḥ pramatto hanti prāptam doṣaphalam // (2) Par.?
saha saṃkalpena bhūyaḥ // (3) Par.?
evam anyeṣv api doṣavatsu karmasu // (4) Par.?
tathā puṇyakriyāsu // (5) Par.?
parīkṣārtho 'pi brāhmaṇa āyudhaṃ nādadīta // (6) Par.?
yo hiṃsārtham abhikrāntaṃ hanti manyur eva manyuṃ spṛśati na tasmin doṣa iti purāṇe // (7) Par.?
athābhiśastāḥ samavasāya careyur dhārmyam iti sāṃśityetaretarayājakā itaretarādhyāpakā mitho vivahamānāḥ // (8) Par.?
putrān saṃniṣpādya brūyur vipravrajatāsmad evaṃ hy asmatsv āryāḥ sampratyapatsyateti // (9) Par.?
athāpi na sendriyaḥ patati // (10) Par.?
tad etena veditavyam / (11.1) Par.?
aṅgahīno hi sāṅgaṃ janayati // (11.2) Par.?
mithyaitad iti hārītaḥ // (12) Par.?
dadhidhānīsadharmā strī bhavati // (13) Par.?
yo hi dadhidhānyām aprayataṃ paya ātacya manthati na tena dharmakṛtyaṃ kriyate / (14.1) Par.?
evam aśuci śuklaṃ yan nivartate na tena saha saṃprayogo vidyate // (14.2) Par.?
abhīcārānuvyāhārāv aśucikarāv apatanīyau // (15) Par.?
patanīyāv iti hārītaḥ // (16) Par.?
patanīyavṛttis tv aśucikarāṇāṃ dvādaśa māsān dvādaśārdhamāsān dvādaśa dvādaśāhān dvādaśa saptāhān dvādaśa tryahān dvādaśāhaṃ saptāhaṃ tryaham ekāham // (17) Par.?
ity aśucikaranirveṣo yathā karmābhyāsaḥ // (18) Par.?
Duration=0.10933208465576 secs.