Texts

ahar vāvāsīn na rātrī // (1) Par.?

sā yamī bhrātaraṃ mṛtaṃ nāmṛṣyata // (2) Par.?

tāṃ yad apṛcchan yami karhi te bhrātāmṛteti // (3) Par.?

adyety evābravīt // (4) Par.?

te devā abruvan // (5) Par.?

antardadhāma // (6) Par.?

idaṃ rātrīṃ karavāmeti // (7) Par.?

te rātrīm akurvan // (8) Par.?

te rātryāṃ bhūtāyāṃ paśūn nāpaśyan // (9) Par.?

sāvet // (10) Par.?

na vai paśyantīti // (11) Par.?

sā na vyaucchat // (12) Par.?

arekṇasyat paśuṣu // (13) Par.?

tān devā icchantaḥ palyāyanta // (14) Par.?

tāṃś chandobhir anvapaśyan // (15) Par.?

tasmāc chandobhir naktam agnir upastheyaḥ // (16) Par.?

paśūnām anukśātyai // (17) Par.?

nāsmāt paśavas tiro bhavanti ya evaṃ veda // (18) Par.?

sāvet // (19) Par.?

anu vā akhyann iti // (20) Par.?

sā vyaucchat // (21) Par.?

te devā abruvan // (22) Par.?

amā vai no vasv abhūd iti // (23) Par.?

sāmāvasyā // (24) Par.?

amā ha vā asya vasu bhavati // (25) Par.?

vindate 'nyasya vasu nāsyānyo vasu vindate ya evaṃ vidvān agnim upatiṣṭhate // (26) Par.?

devā vā ahno rakṣāṃsi niraghnan // (27) Par.?

tāni rātrīṃ prāviśan // (28) Par.?

tāṃ devā na vyetum adhṛṣṇuvan // (29) Par.?

ta indram abruvan // (30) Par.?

tvaṃ vai na ojiṣṭho 'si // (31) Par.?

tvam imāṃ vīhīti // (32) Par.?

stuta meti // (33) Par.?

abravīt // (34) Par.?

nāstuto vīryaṃ kartum arhāmīti // (35) Par.?

te 'bruvan // (36) Par.?

eṣa te 'gnir nediṣṭham // (37) Par.?

sa tvā stautv iti // (38) Par.?

tam agnir astaut // (39) Par.?

sa stutas sarvā mṛdhas sarvā nāṣṭrās sarvāṇi rakṣāṃsy atarat // (40) Par.?

indro yajamānaḥ // (41) Par.?

yad agnim upatiṣṭhate // (42) Par.?

sarvā eva mṛdhas sarvā nāṣṭrās sarvāṇi rakṣāṃsi tarati // (43) Par.?

nāsya naktaṃ rakṣāṃsīśate ya evaṃ veda // (44) Par.?

tvaṣṭā vai bhūtvā prajāpatiḥ prajā asṛjata // (45) Par.?

tvaṣṭā yajamānaḥ // (46) Par.?

sa yad vācāvadat tad abhavat // (47) Par.?

yad vai vācā vadati tad bhavati // (48) Par.?

yadyad eva vācā vadati tattad bhavati tattat sṛjate // (49) Par.?