Texts

Help

Select a text:
Bibliography
Select a chapter:
 (no revisions)
Associated topic(s): good behaviour, snātaka

Show parallels  Show headlines
Use dependency labeler
Chapter id: 14781
  • Click on a sentence to show its analysis
  • Keep the mouse pointer over a lemma to show its meanings.
pravacanayukto varṣāśaradaṃ maithunaṃ varjayet // (1) Par.?
mithunībhūya ca na tayā saha sarvāṃ rātriṃ śayīta // (2) Par.?
śayānaś cādhyāpanaṃ varjayet // (3) Par.?
na ca tasyāṃ śayyāyām adhyāpayed yasyāṃ śayīta // (4) Par.?
anāviḥsraganulepaṇaḥ syāt // (5) Par.?
sadā niśāyāṃ dāraṃ praty alaṃkurvīta // (6) Par.?
saśirā vamajjanam apsu varjayet // (7) Par.?
astamite ca snānam // (8) Par.?
pālāśam āsanaṃ pāduke dantaprakṣālanam iti ca varjayet // (9) Par.?
stutiṃ ca guroḥ samakṣaṃ yathā susnātam iti // (10) Par.?
ā niśāyā jāgaraṇam // (11) Par.?
anadhyāyo niśāyām anyatra dharmopadeśācchiṣyebhyaḥ // (12) Par.?
manasā vā svayam // (13) Par.?
ūrdhvam ardharātrād adhyāpanam // (14) Par.?
nāpararātram utthāyānadhyāya iti saṃviśet // (15) Par.?
kāmam apaś śayīta // (16) Par.?
manasā vādhīyīta // (17) Par.?
kṣudrān kṣudrācaritāṃś ca deśān na seveta // (18) Par.?
sabhāḥ samājāṃś ca // (19) Par.?
samājaṃ ced gacchet pradakṣiṇīkṛtyāpeyāt // (20) Par.?
nagarapraveśanāni ca varjayet // (21) Par.?
praśnaṃ ca na vibrūyāt // (22) Par.?
athāpy udāharanti // (23) Par.?
mūlaṃ tūlaṃ vṛhati durvivaktuḥ prajāṃ paśūn āyatanaṃ hinasti / (24.1) Par.?
dharmaprahrāda na kumālanāya rudan ha mṛtyur vyuvāca praśnam iti // (24.2) Par.?
gārdabhaṃ yānam ārohaṇe viṣamārohaṇāvarohaṇāni ca varjayet // (25) Par.?
bāhubhyāṃ ca nadītaram // (26) Par.?
nāvāṃ ca sāṃśayikīm // (27) Par.?
tṛṇachedanaloṣṭavimardanāṣṭhevanāni cākāraṇāt // (28) Par.?
yac cānyat paricakṣate yac cānyat paricakṣate // (29) Par.?
Duration=0.12172794342041 secs.