Texts
Select a text:
Bibliography
Bibliography
Select a chapter:
(no revisions)
Show parallels Show headlines
Use dependency labeler
(no revisions)
Show parallels Show headlines
Use dependency labeler
Chapter id: 13915
- Click on a sentence to show its analysis
- Keep the mouse pointer over a lemma to show its meanings.
pṛthivyai tvāntarikṣāya tvā dive tvety āhaibhya evainaṃ lokebhyaḥ prokṣati / (1.1) Par.?
parāñcam prokṣati parāṅ iva hi suvargo lokaḥ / (1.2) Par.?
krūram iva vā etat karoti yat khanaty apo 'vanayati śāntyai yavamatīr avanayaty ūrg vai yavo yajamānena yūpaḥ saṃmito yāvān eva yajamānas tāvatīm evāsminn ūrjaṃ dadhāti // (1.3) Par.?
pitṝṇāṃ sadanam asīti barhir avastṛṇāti pitṛdevatyaṃ hy etad yan nikhātaṃ yad barhir anavastīrya minuyāt pitṛdevatyo nikhātaḥ syād barhir avastīrya minoty asyām evainam minoti / (2.1) Par.?
yūpaśakalam avāsyati satejasam evainam minoti / (2.2) Par.?
devas tvā savitā madhvānaktv ity āha tejasaivainam anakti / (2.3) Par.?
supippalābhyas tvauṣadhībhya iti caṣālam prati // (2.4) Par.?
muñcati tasmāc chīrṣata oṣadhayaḥ phalaṃ gṛhṇanti / (3.1) Par.?
anakti tejo vā ājyaṃ yajamānenāgniṣṭhāśriḥ saṃmitā yad agniṣṭhām aśrim anakti yajamānam eva tejasānakti / (3.2) Par.?
āntam anakty āntam eva yajamānaṃ tejasānakti / (3.3) Par.?
sarvataḥ parimṛśaty aparivargam evāsmin tejo dadhāti / (3.4) Par.?
ud divaṃ stabhānāntarikṣam pṛṇety āhaiṣāṃ lokānāṃ vidhṛtyai / (3.5) Par.?
vaiṣṇavyarcā // (3.6) Par.?
kalpayati vaiṣṇavo vai devatayā yūpaḥ svayaivainaṃ devatayā kalpayati / (4.1) Par.?
dvābhyāṃ kalpayati dvipād yajamānaḥ pratiṣṭhityai / (4.2) Par.?
yaṃ kāmayeta tejasainaṃ devatābhir indriyeṇa vyardhayeyam ity agniṣṭhāṃ tasyāśriṃ āhavanīyād itthaṃ vetthaṃ vātināvayet tejasaivainaṃ devatābhir indriyeṇa vyardhayati / (4.3) Par.?
yaṃ kāmayeta tejasainaṃ devatābhir indriyeṇa samardhayeyam iti // (4.4) Par.?
agniṣṭhāṃ tasyāśrim āhavanīyena saṃminuyāt tejasaivainaṃ devatābhir indriyeṇa samardhayati / (5.1) Par.?
brahmavaniṃ tvā kṣatravanim ity āha yathāyajur evaitat / (5.2) Par.?
parivyayaty ūrg vai raśanā yajamānena yūpaḥ saṃmito yajamānam evorjā samardhayati / (5.3) Par.?
nābhidaghne parivyayati nābhidaghna evāsmā ūrjaṃ dadhāti tasmān nābhidaghna ūrjā bhuñjate / (5.4) Par.?
yaṃ kāmayetorjainam // (5.5) Par.?
vyardhayeyam ity ūrdhvāṃ vā tasyāvācīṃ vāvohed ūrjaivainaṃ vyardhayati / (6.1) Par.?
yadi kāmayeta varṣukaḥ parjanyaḥ syād ity avācīm avohed vṛṣṭim eva niyacchati yadi kāmayetāvarṣukaḥ syād ity ūrdhvām udūhed vṛṣṭim evodyacchati / (6.2) Par.?
pitṝṇāṃ nikhātam manuṣyāṇām ūrdhvaṃ nikhātād ā raśanāyā oṣadhīnāṃ raśanā viśveṣām // (6.3) Par.?
devānāṃ ūrdhvaṃ raśanāyā ā caṣālād indrasya caṣālaṃ sādhyānām atiriktaṃ sa vā eṣa sarvadevatyo yad yūpo yad yūpam minoti sarvā eva devatāḥ prīṇāti / (7.1) Par.?
yajñena vai devāḥ suvargaṃ lokam āyan te 'manyanta manuṣyā no 'nvābhaviṣyantīti te yūpena yopayitvā suvargaṃ lokam āyan tam ṛṣayo yūpenaivānuprājānan tad yūpasya yūpatvam // (7.2) Par.?
yad yūpam minoti suvargasya lokasya prajñātyai / (8.1) Par.?
purastān minoti purastāddhi yajñasya prajñāyate 'prajñātaṃ hi tad yad atipanna āhur idaṃ kāryam āsīd iti sādhyā vai devā yajñam atyamanyanta tān yajño nāspṛśat tān yad yajñasyātiriktam āsīt tad aspṛśad atiriktaṃ vā etad yajñasya yad agnāv agnim mathitvā praharaty atiriktam etat // (8.2) Par.?
yūpasya yad ūrdhvaṃ caṣālāt teṣāṃ tad bhāgadheyaṃ tān eva tena prīṇāti / (9.1) Par.?
devā vai saṃsthite some pra sruco 'haran pra yūpaṃ te 'manyanta yajñaveśasaṃ vā idaṃ kurma iti te prastaraṃ srucāṃ niṣkrayaṇam apaśyant svaruṃ yūpasya saṃsthite some pra prastaraṃ harati juhoti svaruṃ ayajñaveśasāya // (9.2) Par.?
Duration=0.072239875793457 secs.