Texts

Help

Select a text:
Bibliography
Select a chapter:
 (no revisions)
Associated topic(s): animal sacrifice, paśubandha, avadāna

Show parallels  Show headlines
Use dependency labeler
Chapter id: 13923
  • Click on a sentence to show its analysis
  • Keep the mouse pointer over a lemma to show its meanings.
paśum ālabhya puroḍāśaṃ nirvapati samedham evainam ālabhate / (1.1) Par.?
vapayā pracarya puroḍāśena pracaraty ūrg vai puroḍāśa ūrjam eva paśūnām madhyato dadhāty atho paśor eva chidram apidadhāti / (1.2) Par.?
pṛṣadājyasyopahatya triḥ pṛcchati / (1.3) Par.?
śṛtaṃ havī3ḥ śamitar iti triṣatyā hi devā yo 'śṛtaṃ śṛtam āha sa enasā / (1.4) Par.?
prāṇāpānau vā etau paśūnām // (1.5) Par.?
yat pṛṣadājyam paśoḥ khalu vā ālabdhasya hṛdayam ātmābhisameti yat pṛṣadājyena hṛdayam abhighārayaty ātmann eva paśūnām prāṇāpānau dadhāti / (2.1) Par.?
paśunā vai devāḥ suvargaṃ lokam āyan te 'manyanta / (2.2) Par.?
manuṣyā no 'nvābhaviṣyantīti tasya śiraś chittvā medham prākṣārayant sa prakṣo 'bhavat tat prakṣasya prakṣatvaṃ yat plakṣaśākhottarabarhir bhavati samedhasyaiva // (2.3) Par.?
paśor avadyati / (3.1) Par.?
paśuṃ vai hriyamāṇaṃ rakṣāṃsy anusacante 'ntarā yūpaṃ cāhavanīyaṃ ca harati rakṣasām apahatyai / (3.2) Par.?
paśor vā ālabdhasya mano 'pakrāmati / (3.3) Par.?
manotāyai haviṣo 'vadīyamānasyānubrūhīty āha mana evāsyāvarunddhe / (3.4) Par.?
ekādaśāvadānāny avadyati daśa vai paśoḥ prāṇā ātmaikādaśo yāvān eva paśus tasyāva // (3.5) Par.?
dyati / (4.1) Par.?
hṛdayasyāgre 'vadyaty atha jihvāyā atha vakṣaso yad vai hṛdayenābhigacchati taj jihvayā vadati yaj jihvayā vadati tad uraso 'dhi nirvadati / (4.2) Par.?
etad vai paśor yathāpūrvaṃ yasyaivam avadāya yathākāmam uttareṣām avadyati yathāpūrvam evāsya paśor avattam bhavati / (4.3) Par.?
madhyato gudasyāvadyati madhyato hi prāṇa uttamasyāvadyati // (4.4) Par.?
uttamo hi prāṇo yadītaraṃ yadītaram ubhayam evājāmi / (5.1) Par.?
jāyamāno vai brāhmaṇas tribhir ṛṇavā jāyate brahmacaryeṇarṣibhyo yajñena devebhyaḥ prajayā pitṛbhya eṣa vā anṛṇo yaḥ putrī yajvā brahmacārivāsī tad avadānair evāvadayate tad avadānānām avadānatvam / (5.2) Par.?
devāsurāḥ saṃyattā āsan te devā agnim abruvan / (5.3) Par.?
tvayā vīreṇāsurān abhibhavāmeti // (5.4) Par.?
so 'bravīt / (6.1) Par.?
varaṃ vṛṇai paśor uddhāram uddharā iti sa etam uddhāram udaharata doḥ pūrvārdhasya gudam madhyataḥ śroṇiṃ jaghanārdhasya tato devā abhavan parāsurā yat tryaṅgāṇāṃ samavadyati bhrātṛvyābhibhūtyai bhavaty ātmanā parāsya bhrātṛvyo bhavati / (6.2) Par.?
akṣṇayāvadyati tasmād akṣṇayā paśavo 'ṅgāni praharanti pratiṣṭhityai // (6.3) Par.?
Duration=0.068711042404175 secs.