Texts

Help

Select a text:
Bibliography
Select a chapter:
 (no revisions)
Associated topic(s): agnyādhāna, agnyādheya

Show parallels  Show headlines
Use dependency labeler
Chapter id: 14614
  • Click on a sentence to show its analysis
  • Keep the mouse pointer over a lemma to show its meanings.
gāyatrīs saṃyājyā bhavanti // (1) Par.?
gāyatro vā agnir gāyatracchandāḥ // (2) Par.?
āgneyam etat kriyate yad agnyādheyam // (3) Par.?
agnā evaitad agniḥ pratitiṣṭhann eti yad āgneyāni havīṃṣi // (4) Par.?
agnināgnis samidhyata iti // (5) Par.?
uttarayor haviṣor anuvākyāṃ kuryāt // (6) Par.?
tejasa āyatanāya // (7) Par.?
urvaśī vai purūravasy āsīt // (8) Par.?
sāntarvatī devān punaḥ parait // (9) Par.?
so 'do deveṣv āyur ajāyata // (10) Par.?
tām anvāgacchat // (11) Par.?
tāṃ punar ayācata // (12) Par.?
tām asmai na punar adaduḥ // (13) Par.?
tasmā āyuṃ prāyacchan // (14) Par.?
eṣa āyur iti // (15) Par.?
agniṃ cokhyam ukhāyāṃ samupyaitam ādhatsva tena prajaniṣyasa iti // (16) Par.?
sa vṛkṣasya śākhāyām agnim āsajyāyunā grāmam abhyavait // (17) Par.?
sa punar aimīti // (18) Par.?
ed vṛkṣasyāgre 'gniṃ jvalantam // (19) Par.?
so 'ciket // (20) Par.?
ayaṃ vāva so 'gnir iti // (21) Par.?
tasyāraṇī ādāyāgniṃ mathitvādhatta // (22) Par.?
tena prājāyata // (23) Par.?
yad ārohasyāraṇī bhavataḥ // (24) Par.?
prajananāya // (25) Par.?
adityai ghṛte carum amāvasyāyāṃ paśukāmo 'nunirvapet // (26) Par.?
iyam aditiḥ // (27) Par.?
asyām adhi paśavaḥ prajāyante // (28) Par.?
yajñamukham agnyādheyam // (29) Par.?
yajñamukham evālabhya paśūn avarunddhe // (30) Par.?
cātuṣprāśyo bhavati // (31) Par.?
ācaturaṃ hīme paśavaḥ // (32) Par.?
dvandvaṃ mithunāḥ // (33) Par.?
te vīryakṛtaḥ // (34) Par.?
agnīṣomīyam ekādaśakapālaṃ pūrṇamāse 'nunirvapet // (35) Par.?
āgneyo vai brāhmaṇaḥ // (36) Par.?
devatayā somarājā // (37) Par.?
yajñamukham agnyādheyam // (38) Par.?
yajñamukham evākramya svārājyam upaiti // (39) Par.?
devān vai yajño nābhyanamat // (40) Par.?
te 'śrāmyan // (41) Par.?
yajño no nābhinamatīti // (42) Par.?
teṣām agnīṣomā evāgre yajño 'bhyanamat // (43) Par.?
te 'viduḥ // (44) Par.?
agnīṣomau vai no 'gre yajño 'bhyanān // (45) Par.?
tayor yajñasyābhinatim icchāmahā iti // (46) Par.?
te 'bruvan // (47) Par.?
yuvāṃ vai no 'gre yajño 'bhyanān // (48) Par.?
yuvayor no 'dhi yajño 'bhinamatv iti // (49) Par.?
tā abruvatām // (50) Par.?
vāryaṃ vṛṇāvahai // (51) Par.?
āvām evāgra ājyabhāgau yajān iti // (52) Par.?
tasmād agnīṣomā evāgra ājyabhāgau yajanti // (53) Par.?
vāryavṛtaṃ hy enayoḥ // (54) Par.?
yad agnīṣomīyam anunirvapati // (55) Par.?
yajñasyābhinatyai // (56) Par.?
ato hi devān agre yajño 'bhyanamat // (57) Par.?
yad anyad anunirvaped devatayā yajñam antardadhyāt // (58) Par.?
mithunaṃ vā agniś ca somaś ca // (59) Par.?
somo retodhā agniḥ prajanayitā // (60) Par.?
agnir vāvedaṃ sarvam // (61) Par.?
āpa oṣadhayo vanaspatayas tad eva somaḥ // (62) Par.?
etau vai no devānāṃ nediṣṭham // (63) Par.?
etau hi paśyāmaḥ // (64) Par.?
yathā vā idaṃ manuṣyā upāsata evam etaṃ devā upāsata // (65) Par.?
te 'cikayuḥ // (66) Par.?
uddhṛtena tvā anenābhijayemeti // (67) Par.?
tam udaharanta // (68) Par.?
tenābhyajayan // (69) Par.?
abhijityā evaiṣa uddhriyate // (70) Par.?
agnir vai nirādhānād abibhet // (71) Par.?
nātidūra ādheyaḥ // (72) Par.?
anirādhānāya // (73) Par.?
Duration=0.29506206512451 secs.