Texts

Help

Select a text:
Bibliography
Select a chapter:
 (no revisions)
Associated topic(s): Soma sacrifice

Show parallels  Show headlines
Use dependency labeler
Chapter id: 15695
  • Click on a sentence to show its analysis
  • Keep the mouse pointer over a lemma to show its meanings.
devā vai yajñam āgnīdhre vyabhajanta // (1) Par.?
tato yad atyaśiṣyata tad abruvan vasatu nu na idam iti // (2) Par.?
tad vasatīvarīṇāṃ vasatīvaritvam // (3) Par.?
tasmin prātar na samaśaknuvan // (4) Par.?
tad apsu prāveśayan // (5) Par.?
tā vasatīvarīr abhavan // (6) Par.?
vasatīvarīr gṛhṇāti // (7) Par.?
yajño vai vasatīvarīḥ // (8) Par.?
yajñam evārabhya gṛhītvopavasati // (9) Par.?
yasyāgṛhītā abhi nimroced anārabdho 'sya yajñaḥ syād yajñaṃ vicchindyāt // (10) Par.?
jyotiṣyā vā gṛhṇīyāddhiraṇyaṃ vāvadhāya // (11) Par.?
saśukrāṇām eva gṛhṇāti // (12) Par.?
yo vā brāhmaṇo bahuyājī tasya kumbhyānāṃ gṛhṇīyāt // (13) Par.?
sa hi gṛhītavasatīvarīkaḥ // (14) Par.?
vasatīvarīr gṛhṇāti // (15) Par.?
paśavo vai vasatīvarīḥ // (16) Par.?
paśūn evārabhya gṛhītvopavasati // (17) Par.?
yad anvīpaṃ tiṣṭhan gṛhṇīyān nirmārgukā asmāt paśavaḥ syuḥ // (18) Par.?
pratīpaṃ tiṣṭhan gṛhṇāti // (19) Par.?
pratirudhyaivāsmai paśūn gṛhṇāti // (20) Par.?
indro vṛtram ahan // (21) Par.?
so 'po 'bhyamriyata // (22) Par.?
tāsāṃ yan medhyaṃ yajñiyaṃ sadevam āsīt tad atyamucyata // (23) Par.?
tā vahantīr abhavan // (24) Par.?
vahantīnāṃ gṛhṇāti // (25) Par.?
yā eva medhyā yajñiyāḥ sadevā āpas tāsām eva gṛhṇāti // (26) Par.?
nāntamā vahantīr atīyāt // (27) Par.?
yad antamā vahantīr atīyād yajñam atimanyeta // (28) Par.?
na sthāvarāṇāṃ gṛhṇīyāt // (29) Par.?
varuṇagṛhītā vai sthāvarāḥ // (30) Par.?
yat sthāvarāṇāṃ gṛhṇīyād varuṇenāsya yajñaṃ grāhayet // (31) Par.?
yad vai divā bhavaty apo rātriḥ praviśati // (32) Par.?
tasmāt tāmrā āpo divā dadṛśre // (33) Par.?
yan naktam bhavaty apo 'haḥ praviśati // (34) Par.?
tasmāc candrā āpo naktaṃ dadṛśre // (35) Par.?
chāyāyai cātapataś ca saṃdhau gṛhṇāti // (36) Par.?
ahorātrayor evāsmai varṇaṃ gṛhṇāti // (37) Par.?
haviṣmatīr imā āpa ity āha // (38) Par.?
haviṣkṛtānām eva gṛhṇāti // (39) Par.?
haviṣmāṃ astu sūrya ity āha // (40) Par.?
saśukrāṇām eva gṛhṇāti // (41) Par.?
anuṣṭubhā gṛhṇāti // (42) Par.?
vāg vā anuṣṭuk // (43) Par.?
vācaivaināḥ sarvayā gṛhṇāti // (44) Par.?
catuṣpadayarcā gṛhṇāti // (45) Par.?
triḥ sādayati // (46) Par.?
sapta sampadyante // (47) Par.?
saptapadā śakvarī // (48) Par.?
paśavaḥ śakvarī // (49) Par.?
paśūn evāvarunddhe // (50) Par.?
asmai vai lokāya gārhapatya ādhīyate 'muṣmā āhavanīyaḥ // (51) Par.?
yad gārhapatya upasādayed asmiṃ loke paśumānt syāt // (52) Par.?
yad āhavanīye 'muṣmiṃ loke paśumānt syāt // (53) Par.?
ubhayor upasādayati // (54) Par.?
ubhayor evainaṃ lokayoḥ paśumantaṃ karoti // (55) Par.?
sarvataḥ pariharati rakṣasām apahatyai // (56) Par.?
indrāgniyor bhāgadheyī sthety āha // (57) Par.?
yathāyajur evaitat // (58) Par.?
āgnīdhra upavāsayati // (59) Par.?
etad vai yajñasyāparājitaṃ yad āgnīdhram // (60) Par.?
yad eva yajñasyāparājitaṃ tad evainā upavāsayati // (61) Par.?
yataḥ khalu vai yajñasya vitatasya na kriyate tad anu yajñaṃ rakṣāṃsy avacaranti // (62) Par.?
yad vahantīnāṃ gṛhṇāti kriyamāṇām eva tad yajñasya śaye rakṣasām ananvavacārāya // (63) Par.?
na hy etā īlayanti // (64) Par.?
ā tṛtīyasavanāt pariśere yajñasya saṃtatyai // (65) Par.?
Duration=0.19236397743225 secs.